कर्णाली राजमार्ग : गाडी ओसार्दै ट्र्याक्टर

असोज २, २०७८ शनिबार १३:५२:५४ | नेत्र शाही

जुम्ला - कर्णाली राजमार्ग अन्तर्गतको सिम्लेखोलामा हिलोका कारण गाडी जाम हुँदा यात्रुले निक्कै सास्ती भाेग्नु परेकाे छ ।

सिम्लेखोलामा पुल निर्माण भए पनि कालोपत्रे नभएपछि हिलाे जमेका कारण गाडी पास हुन घण्टाैँ लाग्ने गरेकाे छ । लगातार हप्ता दिनदेखि गाडी जाम भएपछि यात्रु अलपत्र परेका छन्। ‍

उकालोमा गाडी पास हुन नसक्दा यात्रुहरुले दुई दिनभर कुर्नुपरेको ममता नेपालीले बताउनु भयाे ।

नेपालीले सोमवार सिम्ले खोलामा ३ घण्टापछि मात्रै आफूहरु चढेको गाडी पास भएको बताउनु भयाे । फाेन सम्पर्क समेत हुन नसकेका कारण खाना खाजाकाे व्यवस्था गर्न गाह्राे भएकाे उहाँले गुनासाे गर्नु भयाे।

निर्माण व्यवसायीले काम गरेनन्

निर्माण व्यवसायीले समयमा काम नगर्दा याे क्षेत्रमा गाडी आवतजावतमा निक्कै कठिनाइ भएकाे छ।

डिभिजन सडक कार्यालय जुम्लाका प्रमुख लीलाबहादुर भण्डारीले याे क्षेत्रसहित दुई/तीन ठाउँमा कामको जिम्मा लिएका निर्माण व्यवसायीले काम नगरिदिँदा समस्या भएकाे बताउनु भयाे । उहाँले कामकाे जिम्मा लिएका ठेकेदारलाई समयमा काम नसकिए कालाेसूचीमा राख्ने बताउनु भएकाे छ ।

ट्र्याक्टरले गाडी तान्दै

सिम्लेखोलासहित खल्लागाड, बाली जस्ता क्षेत्रमा पनि यस्तै समस्या रहेकाे छ । याे क्षेत्रमा दैनिक २० भन्दा बढी गाडी ट्र्याक्टर, डाेजरले तानेर पास गराउने गरेका छन् । ट्र्याक्टरले ओसारेबापत प्रति गाडी पाँच सय रुपैयाँ अशुल्दै आएका छन् ।

बाटो बिग्रेपछि औषधि बाेकेका आकस्मिक गाडीहरु समेत तीन घण्टा बढी जाममै थन्किने गरेका छन् ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्