आज काेराेना पुष्टि हुने भन्दा निकाे हुनेकाे सङ्ख्या झन्डै तीन गुणाले बढी

सक्रिय सङ्क्रमितको सङ्ख्या २२ हजारमा झर्‍याे

असोज ४, २०७८ सोमबार १६:४५:३० | उज्यालो सहकर्मी

काठमाण्डाै – पछिल्लो २४ घण्टामा काेराेना सङ्क्रमण पुष्टि हुने भन्दा निकाे हुनेकाे सङ्ख्या झन्डै तीन गुणाले धेरै भएकाे छ ।

२४ घण्टामा एक हजार ९५ जना नयाँ सङ्क्रमित थपिएकामा दुई हजार नौ सय ५७ जना निको भएका स्वास्थ्य तथा जनसङ्ख्या मन्त्रालयले जनाएको छ । दुई हजार नौ सय ५७ जनासहित नेपालमा कोरोना सङ्क्रमणमुक्त हुनेको सङ्ख्या सात लाख ५२ हजार एक सय ७० पुगेको छ ।

२४ घण्टामा १३ हजार आठ सय १७ जनाको नमुना परीक्षण गर्दा एक हजार ९५ जना अर्थात् सात दशमलव ९२ प्रतिशतमा सङ्क्रमण पुष्टि भएको मन्त्रालयले जनाएकाे छ । हिजो आइतवार पनि सङ्क्रमण दर सात प्रतिशतमा झरेको थियो । अहिलेसम्म नेपालमा सङ्क्रमण पुष्टि हुनेको सङ्ख्या आठ लाख ७४ हजार ६ सय २९ पुगेको छ ।

यस्तै यही अवधिमा थप आठ जना सङ्क्रमितकाे ज्यान गएसँगै कोरोना सङ्क्रमणका कारण ज्यान गुमाउनेको सङ्ख्या ११ हजार ४८ पुगेको छ । नेपालमा सक्रिय सङ्क्रमितको सङ्ख्या पनि २२ हजार तीन सय जनामा झरेको छ । सक्रिय सङ्क्रमितमध्ये तीन सय ७१ जनाको आईसीयू र एक सय आठ जनाको भेन्टिलेटरमा उपचार भइरहेको छ ।

२४ घण्टामा २२ हजार एक सय ९२ जनाले काेराेनाविरुद्धकाे खोप लगाएका छन् । अहिलेसम्म नेपालमा ५५ लाख ८८ हजार पाँच सय १७ जनाले पूर्ण मात्रा र ६२ लाख १५ हजार आठ सय ५६ जनाले पहिलो मात्रा खोप लगाएका मन्त्रालयले जनाएको छ ।

अन्तिम अपडेट: माघ १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्