भाेलिसम्ममा मन्त्रिपरिषद्ले पूर्णता पाउँछ : प्रचण्ड

असोज ६, २०७८ बुधबार १८:१४:३७ | उज्यालो सहकर्मी

काठमाण्डाै – सत्ता साझेदार नेकपा माओवादी केन्द्रका अध्यक्ष पुष्पकमल दाहालले भाेली बिहीवारसम्ममा मन्त्रिपरिषद्ले पूर्णता पाउने बताउनुभएको छ ।

आज बुधवार पार्टी केन्द्रीय कार्यालय पेरिसडाँडामा बसेको पार्टी स्थायी कमिटी बैठकमा बोल्दै अध्यक्ष दाहालले राजनीतिक दल विभाजनसम्बन्धी अध्यादेशका कारण ढिलाइ भएको मन्त्रिपरिषद्लाई पूर्णता दिने काम भाेलि बिहीवारसम्म भइसक्ने बताउनुभएको हो ।

पार्टी अध्यक्षले वर्तमान राजनीतिक परिस्थितिका बारेमा पार्टीमा रिर्पोटिङ गर्दै भोलिसम्म मन्त्रिपरिषद्लाई पूर्णता दिइसक्ने बताउनुभएको पार्टीका प्रवक्ता कृष्णबहादुर महराले जानकारी दिनुभयो । प्रवक्ता महराले भन्नुभयो, ‘अध्यक्षले अहिलेकाे स्थितिबारेमा बैठकलाई जानकारी गराउनुभयो । सरकार अध्यादेशको कारणले अलि डिले भएको थियो । यो काम झन्डै झन्डै सिद्धिएको छ । मेरो विचारमा आज वा भोलिसम्ममा यो सरकारको विस्तारको काम सिद्धिन्छ । यो रिर्पोटिङ अध्यक्ष कमरेडबाट भएको छ ।’

बैठकले प्रवासमा पार्टीको कामलाई व्यवस्थित बनाउन प्रवास निर्देशिका पनि पारित गरेको छ । प्रवासको कामलाई व्यवस्थित बनाउन भारतसहित विभिन्न ६ वटा उपक्षेत्रको कामलाई सहज ढङ्गले अघि बढाउने गरी बैठकले प्रवास निर्देशिका पनि पारित गरेको प्रवक्ता महराले जानकारी दिनुभयो । माओवादी केन्द्रले पार्टीको केन्द्रीय कार्यालय सचिवमा डोरप्रसाद पौडेललाई नियुक्त गर्ने निर्णय पनि गरेको छ । पौडेल यसअघि पनि यस पार्टीकाे केन्द्रीय कार्यालयको सचिवको जिम्मेवारीमा रहनुभएको थियो ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भाेलिसम्ममा मन्त्रिपरिषद्ले पूर्णता पाउँछ : प्रचण्ड

फाइल फाेटाे

तपाईको प्रतिक्रिया