अंग्रेजलाई युद्धमा हराएको २०० औँ उत्सव : मध्यरातमा रथ, आगोको झिल्काले चम्कियो तानसेन

भदौ १८, २०७५ सोमबार ११:२५:० | देव पचभैया

पाल्पा – अंग्रेजसँगको युद्धमा नेपाली फौज विजयी भएको दिनको सम्झनामा सोमबार पाल्पाको तानसेनमा श्री रणउजिरेश्वरी भगवतीको २०० आैँ बिजय उत्सव मनाइएको छ । जात्राको अघिल्लो दिन आइतबार राति आतिसवाजी, लाखेनाच प्रस्तुतसँगै भगवतीको रथ उचालेर बली दिइएको छ ।

रातभरी जाग्राम बसेर भगवतीको महिमा गाइएको र सोमबार बिहानैदेखि पूजा पाठ भैरहेको भगवती मन्दिर गुठि व्यवस्थापन समितिका सचिव भीमसेन कार्कीले जानकारी दिनुभयो । सोमबार साढे १२ बजे कर्णेलपुजा गरेर रथ उठाउने र सरकारी पुजा पछि भगवतीको रथलाई बजार परिक्रमा गराउने तयारी छ ।

नेपाल एकीकरणको समयमा तत्कालीन प्रशासक कर्णेल उजिर सिंह थापाले कृष्ण जन्माष्टमीको भोलिपल्ट मनाउन सुरु गरेको जात्रा हरेक बर्ष मनाइँदै आइएको हो । अंग्रेज फौजसँग बुटवलको जितगढीमा भएको लडाइमा युद्धमा जानुअघि थापाले विजयी भएमा मन्दिर बनाएर प्रत्येक वर्ष सिन्दुर जात्रा गर्ने भाकल गरेको र विजय पश्चात् जात्रा मनाउन सुरु भएको इतिहासमा उल्लेख छ ।

पाँचवटा नाकाबाट नेपाल माथि भएको आक्रमणमा चार स्थानमा नेपालले हार व्यहोर्नु परे पनि जितगढीको लडाँइमा अंग्रेज फौजलाई नेपाली फौजले हराएको थियो । त्यसैको संझनामा विक्रम सम्वत् १८७६ देखि जात्रा मनाउन थालिएको भगवती मन्दिर गुठि व्यवस्थापन समितिका सचिव भीमसेन कार्कीले जानकारी दिनुभयो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

देव पचभैया

पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्