छाङ्गरु र तिङ्करमा सञ्चार विच्छेद

असोज १३, २०७८ बुधबार १५:१:३४ | रासस

दार्चुला – सामरिक महत्त्व बोकेको यहाँको त्रिदेशीय नाकाको सञ्चार विच्छेद भएको छ । व्यास गाउँपालिकाको छाङ्गरु र तिङ्करमा मोबाइल फोनले काम नगर्दा सञ्चार सम्पर्कविहीन बनेको हो ।

गएकाे वर्षदेखि अवरुद्ध बनेको नेपाल टेलिकमको स्काई फोनले काम नगर्दा स्थानीयवासीले समस्या भोग्नुपरेको छाङ्गरुका बासिन्दा योगेश बोहराले बताउनुभयो । गएकाे वैशाख/जेठमा कुञ्चा सरेका स्थानीयवासीले फोन गर्न पाएका छैनन् ।

छाङ्गरुमा कहिलेकाहीँ भायनेटले काम गर्छ, बोहराले भन्नुभयो, भायनेट नचलेको भए हामी केही खबर गर्न सक्ने अवस्थामा हुने थिएनौँ ।

भायनेट पनि सधैँ नचल्दा समस्या हुने गरेको छ । कहिलेकाहीँ महिनाैँ दिनसम्म सम्पर्कविहीन बस्नुपरेको उहाँले बताउनुभयो । नेपाल टेलिकमको स्काई फोन चल्दैन । टेलिकमका प्रमुख कृष्णबहादुर गुरुङले दुई पटक गएर मर्मत गरे पनि स्काईले काम गर्न नसकेको स्थानीयवासी बताउँछन् ।

एक वर्ष छाङ्गरुमै फोरजी सेवा चल्ने नमस्तेको टावर जडान गरिएको भए पनि अझै सञ्चालनमा ल्याइएको छैन । टावरको काम भए पनि आवश्यक उपकरण नआइपुग्दा सञ्चालन हुन नसकेको टेलिकमले जनाएको छ । तिङ्कर गाउँमा भने कुनै पनि फोनले काम गर्दैन । छाङ्गरुमा राखिएको स्काई टावरले तिङ्कर गाउँमा काम गर्दैन । तिङ्करका लागि यस वर्ष नमस्ते टावर राख्ने गरी सर्वेक्षण गरिएको टेलिकमका प्रमुख गुरुङले बताउनुभयो ।

छाङ्गरुमा रहेको स्काई टावरमा सोलार पावर अभावले पनि काम गर्न नसकेको गुरुङले जानकारी दिनुभयो । नियमित घाम नलाग्दा पावर बचत हुनसकेको छैन । छाङ्गरुका लागि थप सोलार प्यानल माग गरिएको उहाँले बताउनुभयो ।

मोबाइल फोनले काम नगर्दा नेपाल प्रहरी, सशस्त्र प्रहरीले पनि समस्या भोग्दै आएका छन् । छाङ्गरुमा रहेकाे सशस्त्र प्रहरी बल नेपाल नम्बर ५० गुल्ममा ल्यान्डलाइन फोन जोडिएको छ । ल्यान्डलाइन पनि नियमित सञ्चालन नहुँदा समस्या हुने गरेको सुरक्षाकर्मी बताउँछन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

छाङ्गरु र तिङ्करमा सञ्चार विच्छेद

प्रतिकात्मक तस्बिर

तपाईको प्रतिक्रिया