२४ घण्टामा १ हजार ६६ जनामा काेराेना सङ्क्रमण, ९ सय ३८ जना निकाे

असोज १५, २०७८ शुक्रबार १७:३८:३७ | उज्यालो सहकर्मी

काठमाण्डाै – पछिल्लो २४ घण्टमा एक हजार ६६ जनामा कोरोना भाइरसको सङ्क्रमण पुष्टि भएको छ । पीसीआर र एन्टिजेन गरी १३ हजार तीन सय ६८ जनाको नमुना परीक्षण गर्दा एक हजार ६६ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

आज थपिएकासहित पीसीआर विधिबाट गरिएको परीक्षणमा सात लाख ९५ हजार नौ सय ५९ जना र एन्टिजेन विधिबाट गरिएको परीक्षणमा कोरोना सङ्क्रमण पुष्टि हुनेको सङ्ख्या ९१ हजार सात सय २१ पुगेको छ ।

यस्तै पछिल्लो २४ घण्टामा नौ सय ३८ जना निको भएसँगै कोरोना सङ्क्रमणमुक्त हुनेको सङ्ख्या सात लाख ६६ हजार ६ सय ९६ पुगेको छ ।

यही अवधिमा थप १३ जनासहित कोरोना सङ्क्रमणका कारण अहिलेसम्म ११ हजार एक सय ४८ जनाले ज्यान गुमाएका छन् ।

अहिले नेपालमा १८ हजार एक सय १५ जना सक्रिय सङ्क्रमित रहेकामा तीन सय ५४ जनाको आईसीयू र एक सय १६ जनाको भेन्टिलेटरमा उपचार भइरहेको छ ।

यसैबीच पछिल्लो २४ घण्टामा दुई लाख १७ हजार तीन सय ९१ जनाले कोरोनाविरुद्धको खोप लगाएका छन् । योसहित नेपालमा कोरोनाविरुद्धको खोपको पहिलो मात्रा लगाउनेको सङ्ख्या ६३ लाख २८ हजार तीन सय २७ जना र एक मात्रा लगाउनेको सङ्ख्या ७६ लाख ३१ हजार एक सय ८८ पुगेको स्वास्थ्य मन्त्रालयले जनाएको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्