एसियाली खेलकुदमा रजत पदक दिलाउने खेलाडीलाई जनही ५ लाख रुपैयाँसहित सम्मान

भदौ १८, २०७५ सोमबार १७:२:२० | उज्यालो सहकर्मी

एसियाली खेलकुदमा नेपालका लागि रजत पदक जितेको नेपाली प्याराग्लाइडिङ टोलीलाई राष्ट्रिय खेलकुद परिषदले नगर परिक्रमासहित सम्मान गरेको छ ।

राष्ट्रिय सभागृहमा आज आयोजित कार्यक्रममा युवा तथा खेलकुद मन्त्री जगतबहादुर विश्वकर्मा, मन्त्रालयका सचिव मोहनकृष्ण सापकोटा, राखेप सदस्य सचिव केशवकुमार विष्ट, नेपाल ओलम्पिक कमिटीका अध्यक्ष जीवनराम श्रेष्ठ लगायतले ऐतिहासिक पदक विजेता नेपाली टोलीलाई नगदसहित सम्मान गरेको हो ।

राष्ट्रिय खेलकुद परिषदको पुरस्कार कार्यविधि अनुसार एसियाली खेलकुदमा समूह खेलबाट पदक जित्ने खेलाडीले पाउने जनही ५ लाख रुपैयाँ नगद पुरस्कार पाँच प्याराग्लाइडिङ खेलाडीलाई हस्तान्तरण गरिएको हो । त्यस्तै एक मुख्य प्रशिक्षक र दुई प्रशिक्षकले पनि नगद पुरस्कार पाए ।

यसअघि नेपाली टोलीलाई राष्ट्रिय खेलकुद परिषद प्रांगणबाट बग्गीमा राखेर नगर परिक्रमा गराइएको थियो । नगर परिक्रममा अन्य खेलका खेलाडी तथा पदाधिकारीको उपस्थिति न्यून थियो । विशेष सम्मानसहितको ¥याली त्रिपुरेश्वर, सुन्धारा, महांकाल, रत्नपार्क, पुरानो बसपार्क हुँदै सभागृहमा पुगेर सम्मान कार्यक्रममा परिणत भएको थियो । सम्मान कार्यक्रममा प्रधानमन्त्री केपी ओली उपस्थित हुने भनिए पनि अन्तिम समयमा उनी उपस्थित हुनुभएन ।

सम्मानपछिको कार्यक्रमलाई सम्मान गर्दै खेलकुद मन्त्री जगतबहादुर विश्वकर्माले मन्त्रालय, खेलकुद परिषद र खेल संघ सबैको कमी कमजोरी रहेको भन्दै भविष्यमा यसलाई सुधार गरी खेलको बिकासका लागि ऐक्यबद्धताको आह्वान गरे ।

त्यस्तै सदस्य–सचिव केशवकुमार विष्टले एसियाली खेलकुदमा सोचे अनुसारको पदक आउन नसके पनि आसन्न साग गेम्सका लागि राम्रो पाठ भएको भन्दै सागको तयारीका लागि अहिलेदेखि नै योजना बनाउने बताए । उनले प्याराग्लाइडिङका लागि राज्यको लगानी स्वभाविक रुपमा बढ्ने जानकारी दिए ।

नेपाली टोलीका कप्तान बिमल अधिकारीले विदेशी भूमिमा नेपालको झण्डा फहराउन पाउनु गर्वको क्षण भएको भन्दै रजत पदक सम्पूर्ण नेपालीहरुमा समर्पण गरे ।

बिमल, युकेश गुरुङ, सुशील गुरुङ, विजय गौतम र विशाल थापा सम्मिलित नेपाली टोलीले पुरुष टिम क्रसकन्ट्री विधामा नेपालका लागि रजत पदक जितेको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्