अाइतबारदेखि अवरुद्ध बेसीशहर–चामे सडक खुल्यो

भदौ १८, २०७५ सोमबार १८:१३:५२ | श्यामशितल परियार

लमजुङ – आइतबार रातिदेखि अवरुद्ध बेसीशहर–चामे सडक साेमबार पुन: सञ्चालनमा अाएकाे छ ।

सोमबार दिउँसो साँढे ४ बजेबाट अवरुद्ध सडक सञ्चालनमा आएको लमजुङका सहायक प्रमुख जिल्ला अधिकारी काजीमान सुनारले जानकारी दिनुभयो ।

उहाँका अनुसार लमजुङको बेसीशहर नगरपालिका–६, बेलौतीबिसौना नजिकै उत्तिसघारी खरखरेमा पहिरो जाँदा आइतबार रातिदेखि बेसीशहर–चामे सडक अवरुद्ध भएको थियो ।

सडक अवरुद्ध हुँदा यात्रुहरुलाई आवतजावतमा समस्या भएको थियो भने अवरुद्ध बाटो खुलाउनका लागि प्रहरी समेत परिचालन गरिएको थियो ।

‘अवरुद्ध सडक साँढे ४ बजेबाट खुलेको छ । अहिले यस सडकखण्डमा एकतर्फी रुपमा भएपनि सवारी सञ्चालन भएको छ,’ सहायक प्रजिअ सुनारले भन्नुभयो ।

कमजोर भू–संरचनाका कारण बेसीशहर–चामे सडकखण्डका विभिन्न ठाउँमा पहिरो गइरहने स्थानीयहरु बताउँछन् । पहिरोका कारण सडक अवरुद्ध हुँदा स्थानीयका साथै पर्यटकले आउजाउमा सास्ती खेप्दै आएका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्