जुम्लाको प्रारम्भिक क्षति : १ सय ५२ भेडा–बाख्रा र १८ हेक्टर मार्सी धानको फाँट बाढीले बगायो

कात्तिक ३, २०७८ बुधबार १७:३१:११ | नेत्र शाही

जुम्ला – गएको तीन दिनदेखि लगातारको वर्षा र बाढीले देशभरको जनजीवन प्रभावित बनेको छ । यसैबीच वर्षा र बाढीले जुम्लामा पुर्याएको क्षतिको विषयमा जानकारी दिइएको छ ।

प्रमुख जिल्ला अधिकारी विजयकुमारी प्रसाईँले प्रस्तुत गर्नुभएको जिल्लाको क्षति विवरणमा हिमा गाउँपालिका ६ का रत्ना शाही बेपत्ता हुनुभएको छ ।

यस्तै तिला र भेरी नदीको बहाव बढ्न गइ नदी छेउछाउका १८ हेक्टर कालीमार्सी धानको क्षति भएको छ । सिञ्जा क्षेत्रको धानको क्षति भने आउन बाँकी छ ।

प्रजिअ पसाईँका अनुसार तातोपानी र तिला गाउँपालिकामा एक सय ५२ भेडाबाख्रा र तातोपानीमा तीन भेडा संरक्षणका लागि राखिएका कुकुरलाई बाढीले बगाएको छ ।

तातोपानी गाउँपालिकाका अध्यक्ष नवराज न्यौपानेले तातोपानी गाउँपालिकामा धेरै क्षति भएको बताउनुभएको छ । तिला गाउँपालिकामा पनि धेरै नै क्षति भएकाले अध्यक्ष रतननाथ योगी र उपाध्यक्ष विष्णुमाया बुढा क्षतिग्रस्त क्षेत्रतिर हुनुहुन्छ ।

जिल्ला कृषि विकास कार्यालयका प्रमुख बालाकराम देवकोटाले मार्सी धानको बिउ जोगाउनै कठिन हुने भएको जानकारी दिनुभयो । उहाँले बालीमा मात्रै अनुमानित ६ करोड रुपैयाँ बराबरको क्षति हुने जानकारी दिनुभयो ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्