नेपाल–भारत सम्बन्ध बलियो बनाउन कलाकारहरूको भूमिका महत्त्वपूर्ण छ : नेता महताे

कात्तिक १४, २०७८ आइतबार १४:३३:२६ | उज्यालो सहकर्मी

धनुषा – लोकतान्त्रिक समाजवादी पार्टीका वरिष्ठ नेता राजेन्द्र महतोले नेपाल–भारत सम्बन्धलाई बलियो बनाउन कलाकारहरूको भूमिका महत्त्वपूर्ण रहेको बताउनुभएको छ ।

भारतको अयोध्यामा हुने अन्तर्राष्ट्रियस्तरको सांस्कृतिक कार्यक्रममा सहभागिताका लागि जनकपुरको मिथिला नाट्य कला परिषद्का कलाकारहरूको बिदाइ कार्यक्रममा बोल्दै नेता महतोले यस्ताे बताउनुभएको हो ।

उहाँले नेपाल–भारतबीचको संस्कृतिले सम्बन्धलाई बलियो बनाउने काम गरेको पनि उल्लेख गर्नुभयो । राम र सीताबीचको सम्बन्ध रामायणकालीन भएकै कारणले आफूहरूले नेपाल–भारत सम्बन्धलाई बेटीरोटीको सम्बन्ध बताउँदै आएको उहाँले बताउनुभयो ।

वरिष्ठ नेता महतोले सीता विना सम्पूर्ण रामायण नै अपूरो रहेको भन्दै रामायणले नेपाल–भारतको सम्बन्धलाई जोड्नमा सेतुको काम गरेको बताउनुभयो ।

उहाँले मिथिलाको कला क्षेत्र पौराणिक कालदेखि नै उन्नत रहेको बताउँदै यसको विकासमा आफ्नो तर्फबाट हुने सबै प्रकारको सहयोग गर्ने बताउनुभयो । मिथिला नाट्य कला परिषद्ले मिथिला संस्कृति र यसको विकासका लागि खेलिरहेको भुमिका महत्त्वपूर्ण रहेको उहाँको भनाइ छ ।

अन्तिम अपडेट: माघ २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्