'फोरजी' ग्राहक सङ्ख्यामा नेपाल टेलिकमले एनसेललाई उछिन्यो

 कात्तिक १४, २०७८ आइतबार १७:१०:२ | उज्यालो सहकर्मी
unn.prixa.net

काठमाण्डाै – चौथो पुस्ताको नेटवर्क अर्थात् 'फोरजी' का ग्राहक सङ्ख्यामा नेपाल टेलिकमले एनसेललाई उछिनेको छ । 

नेपाल दूरसञ्चार प्राधिकरणले सार्वजनिक गरेको भदौ महिनाको व्यवस्थापन सूचना प्रणाली (एमआईएस) प्रतिवेदनअनुसार फोरजी ग्राहकमा एनसेलभन्दा झन्डै पाँच लाख धेरै ग्राहकसहित नेपाल टेलिकम पहिलो नम्बरमा पुगेको छ । 

साउनसम्म टेलिकमका ५३ लाख ४० हजार फोरजी ग्राहक रहेकामा भदौमा नौ लाख २७ हजार ६ सय जना ग्राहक थपिएपछि टेलिकमको फोरजी ग्राहक सङ्ख्या ६२ लाख ६८ हजार ३९ पुगेको छ । 
यस्तै साउनमा एनसेलका ५५ लाख ११ हजार फोरजी ग्राहक रहेकामा भदौमा दुई लाख ४३ हजार थपिएर ५७ लाख २५ हजार जना पुगेको छ । 

यस्तै प्राधिकरणका अनुसार अहिलेसम्म भ्वाइस सेवाका ग्राहक चार करोड आठ लाख नौ हजार जना पुगेका छन् । नेपालको जनसङ्ख्या तीन करोड दुई लाख जनालाई आधार मान्दा एक सय ३५ प्रतिशत जनसङ्ख्यामा भ्वाइस सेवा पुगेको छ । 

साथै इन्टरनेट सेवाका ग्राहकको सङ्ख्या तीन करोड ३४ लाख ५८ हजार पुगेको छ । यसमध्ये साढे दुई करोडभन्दा धेरै मोबाइल इन्टरनेट सेवाका ग्राहक रहेका छन् भने ७० लाख ७० हजार इन्टरनेट सेवा प्रदायक कम्पनीका ग्राहक रहेका छन् ।

अन्तिम अपडेट: पुस २१, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • खतिवडा योगेन्द्र

    Oct. 31, 2021, 5:33 p.m.

    सेवा जस्तो भएनी के गर्नु डाटा खोलेर बन्द गर्न नपाइ सय रुपैयाँ चैट बनाई दिन्छ ।

  •  0 Reply

तपाईको प्रतिक्रिया

समाचार

लोकप्रिय

१

घुस नदिइकन कामै बन्दैन, प्रधानमन्त्रीलाई यो कुरा कस्ले भनिदिने ? : सञ्चारमन्त्री गुरुङ

२

चीनमा एचएमपीभी भाइरसको सङक्रमण फैलियो : बालबालिका र कमजोर समूह उच्च जोखिममा

३

निरन्तर गइरहेका भूकम्पका संकेत के हाे ?

४

रक्सीको बोतलमा क्यान्सरको चेतावनी राख्न अमेरिकाका वरिष्ठ डाक्टरको आह्वान

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई