कार्बन उत्सर्जन शून्यमा झार्ने नेपालको प्रतिबद्धता कार्यान्वयन गर्न बेलायतले सहयोग गर्ने

कात्तिक २४, २०७८ बुधबार १०:१८:५३ | उज्यालो सहकर्मी

काठमाण्डाै - नेपालले सन् २०२२ देखि २०४५ सम्ममा कार्बन उत्सर्जनलाई शून्यमा झार्ने प्रतिबद्धता जनाएको छ।

पर्वतीय दिवसको अवसरमा बेलायती दूतावास काठमाण्डौ, राष्ट्रिय योजना आयोग र अन्तर्राष्ट्रिय एकीकृत पर्वतीय विकास कार्यक्रम (इसिमोड) ले हिजो स्कटल्यान्डकाे ग्लास्गो र ललितपुरमा एकैसाथ गरेको कार्यक्रममा नेपालले यस्ताे प्रतिबद्धता जनाएकाे हाे ।

हिजो ग्लास्गोमा भएको कार्यक्रममा वन तथा वातावरणमन्त्री रामसहाय प्रसाद यादवले जलवायु परिवर्तनको जोखिममा रहेका समूदायलाई सुरक्षित राख्न समेत सन् २०४५ सम्ममा कार्बन उत्सर्जनलाई शून्यमा झार्ने प्रतिबद्धता जनाउनु भएकाे हाे ।

नेपालका लागि बेलायतकी राजदूत निकोला पोलिटले नेपालकाे प्रतिबद्धता कार्यान्वयनमा बेलायतले सहयाेग गर्ने बताउनु भएकाे छ ।

उहाँले भन्नुभयो, ‘नेपालको प्रतिबद्धता चुनौतीपूर्ण र महत्वाकाङ्क्षी रहे पनि यसबाट बेलायत खुशी भएको छ। तथापि यसको कार्यान्वयनका लागि धेरै लगानी चाहिन्छ जुन नेपालका लागि मुख्य चुनौती हो ।’

साथै मन्त्री यादवले अहिले भइरहेकाे वन विनाशलाई राेकेर सन् २०३० भित्रमा वनजङ्गलकाे क्षेत्रफल ४५ प्रतिशत पुर्याउने लक्ष्य राखेकाे बताउनु भएकाे छ ।

स्कटल्यान्डकाे ग्लास्गोमा भइरहेको जलवायु परिवर्तन सम्बन्धी २६औंँ विश्व सम्मेलनमा जलवायु परिवर्तनको असरविरुद्ध लड्न बेलायत सरकारले १२ अरब ६० करोड अमेरिकी डलर बराबरको आर्थिक सहयोगको प्रतिबद्धता जनाएको छ ।

सम्झौताअनुसार त्यो रकमबाट त्यसबाट नेपालले पनि लाभ पाउनेछ । साथै बेलायत सरकारले दक्षिण एसियाली देशका लागि मात्र ३६ करोड अमेरिकी डलर बराबरको आर्थिक सहयोग प्रतिबद्धता घोषणा गरेको छ । यसैगरी अरु रकम पनि नेपालमा आउँछ ।

बेलायतले नेपाललाई जलवायु परिवर्तनविरुद्व काम गर्नका लागि यसअघि सन् २०१५ मा नै ५० करोड अमेरिकी डलर सहयोगको प्रतिबद्धता जनाएको छ।

अन्तिम अपडेट: मंसिर २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्