खोटाङ – बेमौसमी वर्षा र हावाहुरीका कारण यस वर्ष खोटाङमा धान उत्पादन घटेको छ । 

गएको असोज ३१ गतेदेखि कात्तिक २ गतेसम्म परेको बेमौसमी वर्षा र हावाहुरीका कारण गएकाे वर्षको तुलनामा खाेटाङमा चार हजार ६ सय ४३ मेट्रिक टन धान उत्पादन घटेको कृषि ज्ञान केन्द्रले जनाएको छ । 

गएकाे वर्ष २९ हजार सात सय ९५ मेट्रिक टन धान उत्पादन भएको जिल्लामा याे वर्ष २५ हजार एक सय ५२ मेट्रिक टन धान उत्पादन भएको ज्ञान केन्द्रका सूचना अधिकारी कृषि प्रसार अधिकृत सञ्जयकुमार पण्डितले बताउनुभयो ।  

दुई नगरपालिका र आठ गाउँपालिका रहेको खाेटाङमा १२ हजार आठ सय ९८ हेक्टरमा धान खेती लगाउने गरिएको छ । 

ढलेका धानको बोट कुहिएपछि परालको उत्पादनमा समेत कमी आएको दिक्तेल रुपाकोट मझुवागढी नगरपालिका–३ बाम्राङका किसान ईश्वरकुमार श्रेष्ठले बताउनुभयो ।