तीन पारा तेक्वान्दो खेलाडी सम्मानित

जेठ २०, २०७५ आइतबार १८:१४:५५ | उज्यालो सहकर्मी

काठमाडौं – मेन्टर एजुकेशनल कन्सल्टेन्सीले अन्तरराष्ट्रिय प्रतियोगितामा पदक विजेता तीन पारा तेक्वान्दो खेलाडीहरुलार्इ नगदसहित सम्मानित गरेको छ ।

सम्मानित तीन महिला पारा तेक्वान्दो खेलाडीलाई जनही १० हजार नगदसहित सम्मान गरियोे ।

सम्मानित हुने खेलाडीहरुमा गत वर्ष इंग्ल्याण्डमा भएको दोस्रो एशियाली पारा तेक्वान्दोमा रजत, विश्व पारा तेक्वान्दो च्याम्पियनशीप तथा कोरियामा भएको एशियाली पारा तेक्वान्दो च्याम्पियनशीपमा काश्य पदक विजेता रञ्जना धामी छिन् ।

त्यस्तै रुसमा भएको पहिलो आईडब्ल्यूएएस पारा तेक्वान्दो तथा पाँचौं युरोपियन पारा तेक्वान्दोमा काश्य विजेता सीता भण्डारी र भियतनाममा गत महिना भएको एशियाली पारा तेक्वान्दोमा काश्य पदक विजेता पलेशा गोवर्धन पनि नगदसहित सम्मानित भएका छन् ।

कार्यक्रममा कन्सल्टेन्सीले आसन्न टोकियो ओलम्पिक २०२० को तयारीमा रहेको नेपाली पारा तेक्वान्दो टोलीलाई प्रायोजन पनि गरेको छ । आइतबार भएको कार्यक्रममा कन्सल्टेन्सीका प्रबन्ध निर्देशक हेमन्त भट्टराई र नेपाल तेक्वान्दो संघका उपाध्यक्ष तथा पारा ओलम्पिक कमिटीका संयोजक कासिम मियाबीच सम्झौतापत्रमा हस्ताक्षर भयो ।

सम्झौता अनुसार मेन्टरले पारा खेलाडीलाई हरेक अन्तर्राष्ट्रिय प्रतियोगितामा तेक्वान्दो किट लगायत सबै सामग्री उपलब्ध गराउनेछ । त्यस्तै खेलाडीको डाइट खर्चस्वरुप न्यूनतम रकम पनि सहयोग गर्ने सम्झौता भएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्