लमजुङमा लोक गायक राजु परियार सम्मानित

पुष २४, २०७८ शनिबार ८:३१:३६ | श्यामशितल परियार

लमजुङ – लोक दोहोरी गायक राजु परियार लमजुङमा सम्मानित हुनुभएको छ ।

लमजुङको सुन्दरबजार नगरपालिकामा रहेकाे कृषि क्याम्पस खेल मैदानमा हिजाे आयाेजित नेकपा एमाले जिल्ला सङ्गठन लमजुङको आठौँ जिल्ला अधिवेशनको अवसरमा गायक परियारलाई सम्मानित गरिएकाे हाे।

नेकपा एमालेका केन्द्रीय उपमहासचिव एवम् गण्डकी प्रदेशका निवर्तमान मुख्यमन्त्री पृथ्वीसुब्बा गुरुङ र नेकपा एमाले, लमजुङका अध्यक्ष कृष्णप्रसाद अधिकारीले संयुक्त रुपमा सम्मानपत्र र फूलमालाले गायक परियारलाई सम्मानित गर्नुभएको हो ।

गायकीका माध्यमबाट लोक भाकालाई विश्वभर चिनाउन सफल परियारलाई अधिवेशनको अवसरमा सम्मानित गरिएको एमाले लमजुङका सचिव सुभाष पौडेलले जानकारी दिनुभयो ।

आफूलाई सम्मानित गरेकोमा खुशी व्यक्त गर्दै परियारले जहाँ रहे पनि आफ्नाे जन्मभूमिको माया र याद मनमा भइरहने बताउनु भयाे ।

अधिवेशनको उद्घाटन कार्यक्रममा गायक परियारले साङ्गीतिक प्रस्तुति दिनुभएकाे थियाे भने नायिका तथा मोडल रोमी नेपालले नृत्य प्रस्तुत गर्नुभएको थियो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्