एमसीसी पास भए अमेरिकी सेना आउँछ भनेर प्रचार गर्नु गलत : रामशरण महत

फागुन ३, २०७८ मंगलबार १३:२३:१ | उज्यालो सहकर्मी

काठमाण्डाै – पूर्व अर्थ मन्त्री तथा नेपाली कांग्रेसका नेता डा.रामशरण महतले अमेरिकी सहयाेग एमसीसी राष्ट्रिय हितमा रहेकाले कुनै पनि हालतमा पारित गर्नुपर्ने बताउनुभयो । आज मङ्गलवार नयाँ बानेश्वमा रहेकाे संसद् भवनमा आयोजित संसदीय दलको बैठकपछि सञ्चारकर्मीसँग कुरा गर्दै उहाँले एमसीसीको बारेमा गलत आलोचना गरेर शक्तिशाली र सहयोगी राष्ट्रसँगको सम्बन्धमा दखल गर्न खोजिएको आरोपसमेत लगाउनुभयो ।

नेता महतले एमसीसी पारित गरेमा राष्ट्रको आर्थिक वृद्धि हुने, रोजगारीका अवसरहरू बढ्ने र पूर्वाधारको विकास हुने पनि बताउनुभयो । उहाँले एमसीसीको बारेमा अमेरिकी सेनासँग सम्झौता हुने लगायतका भ्रमपूर्ण प्रचार गरिएको भन्दै एमसीसी नेपालको कानुनअनुसार सम्झौता गरिएको बताउनुभयो । उहाँले बीआरआई र इन्डाेप्यासिफिक रणनीतिसँग एमसीसीको कुनै सम्बन्ध नरहेको बताउनुभयो ।

नेता महतले एमसीसी सहयोग कुनै पनि देशकाे हित विपरीत नभएको दाबीसमेत गर्नुभयो ।उहाँले भन्नुभयो, ‘एमसीसी राष्ट्रको हितमा छ । यसलाई गलत चर्चा, गलत आलाचना गरेर, झुटको आलोचना गरेर भ्रमपूर्ण आलोचना गरेर यसलाई रोक्नु राष्ट्रको हित विपरीत हुन्छ । अमेरिका जस्तो शक्तिशाली राष्ट्र र नेपाललाई सबैभन्दा बढी सहयोग गर्ने देशसँग सम्बन्ध बिगार्ने काम बिल्कुलै गर्नु हुँदैन । एमसीसी यही बैठकबाट पारित हुनुपर्छ । फागुन १६ गतेभित्र पारित भएन भने सहयोग नहुन पनि सक्छ । अरू देशमा जान सक्छ भनेर उनीहरूले भनिरहेका छन् । एमसीसी कुनै पनि हालतमा पारित गर्न जरुरी छ । यसमा गलत खालका आलोचनाहरू गरेका छन् । मिलिट्री सम्झौता हुन्छ, अमेरिकी सेना आउँछ भन्ने त्यो सरासर गलत हो । यो इन्डाेप्यासिफिक रणनीति अन्तर्गत पनि होइन । नेपालको कानुन विपरीत पनि छैन । दुई देशको बीचमा सहमतिअनुसार भएको सम्झौता कानुनअनुसार नै हो । एमसीसीले हस्तक्षेप गर्छ यता उति भन्ने छ त्यो सम्भावना छैन । यसमा इन्टेलिजेन्ट प्रपर्टी राइट (बाैद्धिक सम्पत्तिकाे अधिकार) पनि नेपालको नै छ । आरोपहरू भ्रमपूर्ण छन् । यो अमेरिकासँग सम्बन्ध बिगार्न भएको प्रयास हो ।’

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Janata
Feb. 15, 2022, 2:12 p.m.
नेताहरुको हुलमा एउटा बकुल्ला पुग्यो । एक पक्षले सेतो बकुल्ला भने विपक्षीले कालो बकुल्ला भने । कोही चुप लागे । अहिले MCC पनि त्यस्तै भएको छ । के काँग्रेसको र अरु पार्टीहरुको English Dictionary फरक छ र ? के पढ्छन् ? के बुझ्छन् खै ???
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

एमसीसी पास भए अमेरिकी सेना आउँछ भनेर प्रचार गर्नु गलत : रामशरण महत

फाइल फाेटाे

1 Comments

Janata

तपाईको प्रतिक्रिया

तपाईको प्रतिक्रिया