हकीबाट सरदारले लिए सन्यास

भदौ २८, २०७५ बिहीबार ६:४०:२४ | उज्यालो सहकर्मी

पूर्व भारतीय हकी टिमका कप्तान सरदार सिंहले सन्यासको घोषणा गरेका छन् । पछिल्लो समय उत्कृष्ट फर्ममा रहेका सिंहले बुधबार एकाएक सन्यासको घोषणा गरेका हुन् ।

उनले १२ वर्षसम्म भारतीय टिमबाट हकी खेलिसकेको बताउँदै अब नयाँ पिढीले नेतृत्व गर्ने बेला आएको बताएका छन् । सरदारले भारतीय सिनियर टिममा सन् २००६ मा डेब्यू गरेका थिए । उनी मध्यपंक्तिका मुख्य खेलाडी हुन् ।

३२ वर्षीय सरदारले ३ सय ५० अन्तर्राष्ट्रिय म्याच खेलेका छन् भने सन् २००८ देखि सन् २०१६ सम्म कप्तानी भूमिका पनि थिए । उनी भारतीय खेलकुदमा सबैभन्दा युवा कप्तान भएका थिए भने २०१२ मा अर्जुन पुरस्कार पाएका सरदारले २०१५ मा पद्मश्री पुरस्कार पनि पाएका थिए ।

एसियाली खेलकुदमा भारतको निराशाजनक प्रदर्शन पछि उनले सन्यासको घोषणा गर्ने तयारी गरेका थिए ।

लगातार एसियाली खेलकूदमा स्वर्ण पदक जित्दै आएको भारतले यसपटक कास्य पदकमा चित्त बुझाएको थियो । हकी इन्डियाले राष्ट्रिय शिविरका लागि २५ सदस्यीय टिमको घोषणा गर्दा सिंहको नाम नपरेपछि सन्यासको घोषणा गरेको भारतीय सञ्चारमाध्यमहरुले जनाएका छन् ।

तर उनले यस विषयमा शुक्रबार नयाँदिल्लीमा पत्रकार सम्मेलन गरेर सार्वजनिक गर्ने प्रतिक्रिया दिएका थिए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्