एमसीसीलाई व्याख्यात्मक घोषणासहित आजै अनुमोदन गर्ने सत्ता गठबन्धनको निर्णय

फागुन १५, २०७८ आइतबार ११:५४:५१ | उज्यालो सहकर्मी

काठमाण्डाै - सत्तारुढ गठबन्धनले एमसीसी सम्झौतालाई व्याख्यात्मक घोषणासहित संसदबाट पारित गर्ने निर्णय गरेको छ ।

आज प्रधानमन्त्री निवास बालुवाटारमा बसेको सत्तारुढ गठबन्धनको बैठकले संसदमा टेबल भएको एमसीसी सम्झौतालाई व्याख्यात्मक घोषणासहित संसदबाट पारित गर्ने निर्णय गरेको हो । यो सम्झौताको सम्बन्धमा उठेका शङ्काहरुको निवारण गर्दै पारित गर्न लागिएको नेपाली कांग्रेसका वरिष्ठ नेता रामचन्द्र पौडेलले बताउनुभयो ।

उहाँले एमसीसी सम्झौता इन्डोप्यासिफिक रणनीतिको अङ्ग नभइ सम्झौतामा नेपालको संविधान नै सर्वोपरि हुने तथा विशुद्ध आर्थिक परियोजना मात्रै भएको कुराहरुलाई समेत संलग्न गराइ आजकै संसद् बैठकबाट पारित हुने बताउनुभयो ।

उहाँले भन्नुभयो – ‘एमसीसीलाई व्याख्यात्मक घोषणासहित संसदबाट पारित गर्न हामी सबै सहमत हुने निर्णय भयो । व्याख्यात्मक टिप्पणीमा जे कुरा शङ्का उठाइएका थिए तिनलाई क्लियर गर्ने, यो अमेरिकी इन्डोप्यासिफिक रणनीतिको अङ्ग होइन, यो नेपालमा नेपालको संविधान नै सर्वोपरि हुन्छ । यो विशुद्ध आर्थिक सहयोग हाम्रो विकासको लागि सहयोगको रुपमा मात्रै यसलाई हामी बुझ्छौँ । मुख्य कुरा यही कुरा गरेर अब त्यसलाई सदनमा उठेका प्रश्नहरुलाई सरकारले जवाफसहित यो व्याख्यात्मक टिप्पणीको साथै यो सम्झौतालाई सँगसँगै एट्याच गरेर अन्त्यमा प्रस्तुत गर्छ । र अनि सदनले त्यो सहित नै पारित गर्छ । दोस्रो सेसनमा आजै अनुमोदन हुन्छ ।’

वरिष्ठ नेता पौडेलले प्रमुख प्रतिपक्ष दल एमाले सरकारमा रहँदा एमसीसी सम्झौता संसदमा दर्ता भएकाले यसलाई पारित गर्न प्रमुख प्रतिपक्ष दलको पनि सकारात्मक भूमिका हुने बताउनुभयो । सम्झौतालाई राष्ट्रहित राउने कुरामा कटिबद्ध हुँदै वर्तमान सरकारले यस सम्झौतालाई लागू गराउने उहाँले बताउनुभयो ।

उहाँले भन्नुभयो – ‘प्रमुख प्रतिपक्षी दलको सकारात्मक भूमिका हुन्छ । किनभने प्रमुख प्रतिपक्षी दल नै संसदबाट यो पास गर्ने र अगाडि बढाउने भनेर निर्णय गर्ने प्रमुख प्रतिपक्षी दलकै नेता प्रधानमन्त्री भएको बेलामा यो अगाडि बढेको हो । त्यसकारण उहाँहरु त यसमा पूर्णरुपमा बाँधिनु भएको छ । नेपालको पक्षमा जो प्रष्ट गर्नुपर्ने थियो । त्यसलाई प्रष्ट गरेर यो सरकार अगाडि बढ्छ । त्यसकारण उहाँहरुले गरेको भन्दा पनि अझ राष्ट्र हितमा यो सन्धिलाई गराउने कुराको कटिबद्धता आफ्नो व्यक्त गर्दै अगाडि बढेर यो सम्झौतालाई लागू गर्छ ।’

प्रतिनिधि सभा बैठक आज दिउँसो १ बजेका लागि बोलाइएको छ ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

एमसीसीलाई व्याख्यात्मक घोषणासहित आजै अनुमोदन गर्ने सत्ता गठबन्धनको निर्णय

तस्बिर : रासस

तपाईको प्रतिक्रिया