धनगढीमा ‘सर्वाधिक पुरस्कार राशि’ को महिला गोल्ड कप हुने

चैत ३, २०७८ बिहीबार १९:४०:३१ | सीताराम ओझा

कैलाली – धनगढीमा प्रथम मुख्यमन्त्री बीवाईसी महिला गोल्ड कप हुने भएको छ । वनदेवी युवा क्लब तेघरीको आयोजनामा वैशाख ३ गतेदेखि १० गतेसम्म धनगढी रङ्गशालामा प्रथम मुख्यमन्त्री बीवाईसी महिला गोल्ड कपको आयोजना हुने धनगढीमा आज बिहीवार पत्रकार सम्मेलन गरी जानकारी दिइएको छ ।

सुदूरपश्चिम प्रदेश खेलकुद परिषद् मुख्य प्रवद्र्धक रहेको प्रतियोगितामा आठ टोलीको सहभागिता रहने प्रतियोगिताका संयोजक दुर्गा अधिकारीले जानकारी दिनुभयो । ‘खेलकुदको विकास नै उन्नत समाज र देशको विकास हो’ भन्ने मूल नारासहित हुने गोल्ड कप महिला खेलाडी सहभागी नेपालकै सर्वाधिक पुरस्कार राशिको प्रतियोगिता रहेको संयोजक अधिकारीको दाबी छ ।

प्रतियोगिताको विजेताले पुरस्कार स्वरूप पाँच लाख र उपविजेताले दुई लाख ५० हजार रुपैयाँ पाउने आयोजक वनदेवी युवा क्लबका अध्यक्ष सुसन जोशीले जानकारी दिनुभयो । उहाँका अनुसार प्रतियोगिताका प्रत्येक खेलका प्लेयर अफ द म्याचलाई पाँच हजार तथा विभिन्न विधाका उत्कृष्ट खेलाडीहरूलाई १० हजार रुपैयाँ दिइनेछ । यस्तै प्रतियोगिताको उत्कृष्ट खेलाडीलाई ५० हजार रुपैयाँ दिइनेछ ।

प्रतियोगिता सञ्चालन गर्न झन्डै एक करोड रुपैयाँभन्दा धेरै खर्च लाग्ने पत्रकार सम्मेलनमा जानकारी दिइयो ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सीताराम ओझा

सीताराम ओझा कैलालीका उज्यालाे सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्