माेइन अलिलाई अष्ट्रेलियाका खेलाडीले मैदानमै ओसामा भनेपछि...

भदौ ३०, २०७५ शनिबार १६:५४:४६ | उज्यालो सहकर्मी

एसेज श्रृङ्खलामा इंग्ल्याण्डका अलराउण्डर मोइन अलिले आफूलाई ‘ओसामा’ भनिएको दावी गरेपछि क्रिकेट अष्ट्रेलियाले अनुसन्धान गर्ने भएको छ ।

इंग्ल्याण्डमा सन् २०१५ मा आयोजना भएको एसेजमा उनलाई अष्ट्रेलियाली खेलाडीले ओसामा (विन लादेन) भनेर होच्याएका थिए । आफूलाई इश्लामिक आतंकवादी मोहम्मद विन लादेन भनेर नराम्रो चित्रण गरेकोप्रति मोइन अलिले त्यसबेला केही कुरा गरेका थिएनन् ।

छिटै विमोचन हुने आत्मवृत्तान्तमा मोइन अलिले अष्ट्रेलियाली खेलाडीको व्यवहारको सम्बन्धमा यस्तो कुरा लेखेका छन् । तीन वर्ष अघि कार्डिफमा भएको एसेजमा उनले ७७ रन र पाँच विकेट लिँदै इंग्ल्याण्डलाई १६९ रनको जित दिलाएका थिए ।

यो कुरा सार्वजनिक भएपछि क्रिकेट अष्ट्रेलियाले खेलकुदसँगै सामजमा समेत यो कुरा असह्य हुने प्रतिक्रिया दिएको छ ।

‘यो कुरालाई हामीले गम्भीर रुपमा लिएका छौं र इंग्ल्याण्ड क्रिकेट बोर्डसँगै हामी पनि अनुसन्धान गर्दैछौं,’ क्रिकेट अष्ट्रेलियाका एक जना प्रवक्ताले भने ।

रिलिले आफ्नो आत्मवृत्तान्तमा लेखेका छन्,‘एकजना अष्ट्रेलियाली खेलाडीले मैदानमा मतिर फर्किएर भने,‘त्यो ओसामालाई आउट गर ।’ मैले जे सुनेँ विश्वास गर्नै गाह्रो भयो ।’

‘अझै सम्झिन्छु, त्यसबेला म निकै रिसाएको थिएँ । क्रिकेटका दौरान म त्यति धेरै कहिले पनि रिसाएको थिइन ।’

‘मैले अष्ट्रेलियाली टिमका तत्कालीन प्रशिक्षण दलमा पनि यो कुरा भनेँ । त्यसपछि प्रशिक्षक लेहम्यानले खेलाडीसँग कसले भनेको भनेर सोधेका पनि थिए । ‘तिमीहरुले मोइनलाई ओसामा भनेको हो ?’ तर त्यो खेलाडीले अस्वीकार गरे ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्