सानैमा बुवा गुमाएका सुनिललाई ब्लड क्यान्सर, सहयोगको अपील गर्दै आमा

असोज १, २०७५ सोमबार १२:४८:३४ | सन्ताेष रुचाल

धनकुटा – ब्लड क्यान्सरबाट पीडित शहीदभूमि गाउँपालिका–२ धनकुटाका १६ वर्षीय सुनिल विकलाई उपचारको लागि आर्थिक सहयोग गर्न परिवारले अपील गरेका छन् । आर्थिक अवस्था कमजोर भएका कारण उपचारमा समस्या भएको भन्दै सुनिलको परिवारले सहयोगको अपील गरेका हुन् ।

सुनिल पाँच महिनाको गर्भमा हुदाँ नै उनको बुवा छत्रबहादुरको मृत्यु भएको र आफू एक्लैले छोरा उपचार गर्न नसक्ने भएपछि छोरालाई बचाई दिन सुनिलकी आमा ओमकुमारी शिवाले आग्रह गर्नुभएको छ । सुनिलका बुवा छत्रबहादुर विकले ओमकुमारी शिवालाई अन्तरजातीय विवाह गरेको भन्दै घरदेखि निकाला गरेपछि विक परिवार भारतको मेघालय पुगेका थिए । भारतको मेघालयको कोइला खानीमा काम गरेर विक परिवारले जीवन यापन गर्दै आएका थिए । यही क्रममा छोरा पाँच महिनाको पेटमा हुदाँ नै श्रीमानको निधन भएको ओमकुमारीले बताउनुभयो ।

छोरा जन्मेर केही ठूलो भएपछि घर फर्किनुभएकी ओमकुमारीलाई तल्लो जातको भन्दै घरमा पस्न नदिएपछि उनी माइत बसेर सुनसरीको धरान झरेर अर्काको काम गरी छोराको पालन पोषण गर्दै आउनुभएको थियो । गएको वैशाख २६ गते छोरा विरामी भएर धरानको विपी कोइराला स्वास्थ्य विज्ञान प्रतिष्ठानमा जचाउँन लैजाँदा उनलाई ब्लड क्यान्सर भएको डाक्टरले बताएका थिए । विपी कोइराला स्वास्थ्य विज्ञान प्रतिष्ठानमा उपचार हुन नसकेपछि एकल महिला ओमकुमारीले ऋण गरेर नेपाल क्यान्सर हस्पिटल एण्ड रिसर्च सेन्टर प्रालि हरिसिद्धी ललितपुरमा उपचार गराउँदै आउनुभएको छ ।

सुनिलको उपचारमा अहिलेसम्म १६ लाख रुपैयाँ खर्च भैसकेको छ । नेपाल क्यान्सर हस्पिटल एण्ड रिसर्च सेन्टर प्रालि हरिसिद्धी ललितपुरमा अहिले छोराको २÷२ दिनमा जाँच गराउँदै आएको र हरेक पटक १५ हजार खर्च लाग्ने ओमकुमारीले बताउनुभयो । ‘श्रीमान्को पहिले नै निधन भई सकेको र बुढेसकालको एकमात्र साहाराको रुपमा रहेको छोराको पनि यो हालत भएपछि मैले कसरी बाँच्ने होला’–ओमकुमारीले आफैँलाई प्रतिप्रश्न गर्नुभयो । छोराको अहिलेसम्म त आफूसँग भएको जायजेथा र साहुसँग ऋण मागेर उपचार गरेँ । अब आफूसँग कुनै विकल्प छैन । त्यसैले मेरो कलिलो छोरालाई बचाई दिन म सबैसँग सहयोगको आग्रह गर्छु –ओमकुमारीले भन्नुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्