गाडी नचल्दा विदेशबाट फर्कनेहरु समस्यामा, विमानस्थलबाट कोटेश्वर जान हजार रुपैयाँ !

वैशाख ३०, २०७९ शुक्रबार ९:३५:४२ | अर्जुन पोख्रेल

काठमाण्डाै - पालिका चुनावको सुरक्षाका कारण सरकारले गाडी चलाउन रोक लगाएको छ । अत्यावश्यक सेवा बाहेकका गाडी चलेका छैनन्। गाडी नचल्दा विदेशबाट फर्केकाहरु समस्यामा परेका छन्। विमानस्थलबाट चल्ने हरियो नम्बर प्लेटका ट्याक्सीले मनोमानी गरेका छन् ।

जजिरा एअरको जहाजबाट बिहान साढे ६ बजे काठमाण्डाै आइपुग्नुभएका मोरङको पथरीका स्वदेश राई समस्यामा पर्नुभयो । विमानस्थल बाहिर आएपछि ट्याक्सी त पाउनुभयो तर कोटेश्वर जानकै लागि एक हजार रुपैयाँ मागियो । २ किलोमिटर दूरीको भाडा हजार रुपैयाँ मागेपछि राईले हिँडेरै कोटेश्वर जाने निधो गर्नुभयो ।

'विदेशमा ठगिनु त नौलो भएन तर देशमै पनि ठग्न खोज्ने रहेछन्, ट्याक्सीले त अप्ठ्याराे परेको बेला झन् अप्ठ्याराेमा पारे' राईले गुनासो गर्नुभयो । सडकको रमाइलो हेर्दै आज कोटेश्वरमा आफन्तकोमा बस्ने र भोलि गाडी चलेपछि मोरङ जाने स्वदेश राईको योजना छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।