गुल्मीमा ६३ प्रतिशत मत खस्यो, राति १० बजेदेखि गन्न थालिने

वैशाख ३०, २०७९ शुक्रबार २०:९:३३ | जनार्दन घिमिरे

गुल्मी – पालिका चुनाव अन्तर्गत आज भएको मतदानमा गुल्मीमा ६३ दशमलव ६६ प्रतिशत मत खसेको छ । गुल्मीका जिल्लाका दुई नगरपालिका र दश गाउँपालिकासहित १२ पालिकामा सम्पन्न मतदानमा ६३ प्रतिशत मत खसेको जिल्ला निर्वाचन कार्यालयका निर्वाचन अधिकारी माया कुँवरले बताउनुभयो ।

बिहान ७ बजेदेखि बेलुकी ५ बजेसम्म भएको मतदानमा मतदाताको उत्साहपूर्ण सहभागिता रहेको थियो । मतदान अवधिभर जिल्लामा कतै पनि अप्रिय घटना भएनन् ।

१२ पालिकाका ९३ वडामा रहेका धेरैजसो मतदान केन्द्रबाट मतपेटिका केन्द्रमा सङ्कलन भइरहेका छन् । ९३ वडामा एक सय ४२ मतदान स्थल र दुई सय ७९ वटा केन्द्र थिए । जिल्लाभर दुई लाख २४ हजार दुई सय ७६ जना मतदाता रहेका छन् ।

मतगणना रातिदेखि सुरु गरिने

गुल्मीमा आज राति १० बजेदेखि नै मतगणना सुरु गरिने भएको छ । मुख्य निर्वाचन अधिकृत राधाकृष्ण उप्रेतीका अनुसार जिल्लाका सबै पालिकाका केन्द्रमा मतपेटिका पुगेपछि सर्वदलीय बैठक बसेपछि रातिदेखि नै मतगणना सुरु गरिने बताउनुभएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्