न्यायालयकाे अवस्था सुधार हुँदै गइरहेकाे छ : कामु प्रधानन्यायाधीश कार्की

जेठ १५, २०७९ आइतबार १५:४:४६ | उज्यालो सहकर्मी

काठमाण्डाै – कायममुकायम प्रधानन्यायाधीश दीपककुमार कार्कीले न्यायालयको अवस्था सुधारो हुँदै गइरहेकाे बताउनुभएको छ ।

आज आइतवार नेपाल कानुन व्यवसायी परिषद्को लयर्स एकेडेमी व्यवस्थापन समितिद्वारा आयोजित सात दिने तालिमको उद्घाटन कार्यक्रमलाई सम्बोधन गर्दै कामु प्रधानन्यायाधीश कार्कीले न्यायालयको अवस्था पहिले भन्दा सुधार भएको बताउनुभयो । उहाँले आफुले सर्वोच्च अदालतको नेतृत्व लिएपछि मुद्दाको फर्स्याेट बढेको बताउनुभयो ।

कामु प्रधानन्यायाधीश कार्कीले भन्नुभयाे, ‘न्यायपालिका अहिले सुधार हुँदै गइरहेकाे छ । कानुन व्यवसायीको क्षेत्रबाट, न्यायाधीशको क्षेत्रबाट न्यायालय सुधार गर्नुपर्छ भनेर प्रतिबद्धताको साथ हामी आएका छौँ । मैले आफूले नेतृत्व लिदाँ सर्वोच्च अदालतको मुद्दाको फर्स्याेट आठ प्रतिशत थियो । अहिले त्याे बढेर १५ प्रतिशतसम्म पुगेकाे छ । त्यसमा उल्लेखनीय रूपमा पुराना मुद्दाहरू फैसला भएका छन् ।’

कामु प्रधानन्यायाधीश कार्कीले तत्कालका लागि गोलाप्रथाको विकल्पमा जान नसकिने बताउनुभयो । उहाँले 'अटोमेशन' मा जाने प्रक्रिया सुरु भइसकेको उल्लेख गर्दै त्यसमा जानु अघिसम्म गोलाप्रथाबाटै मुद्दा हेरिने बताउनुभयो । उहाँले अटोमेशनमा जानका लागि अर्थ मन्त्रालयसँग बजेट माग गरिसकिएकाले त्यसकाे प्रक्रिया छिट्टै कार्यान्वयन हुने विश्वास व्यक्त गर्नुभयो ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्