ढोरपाटन पुरुष भलिबल प्रतियोगितमा ढोरपाटन, एपीएफ र गिताञ्जली कलेज सेमिफाइनलमा

असोज ४, २०७५ बिहीबार १९:५३:१३ | उज्यालो सहकर्मी

काठमाडाैं - काठमाडाैंमा जारी पाँचौं ढोरपाटन एम १५० राष्ट्रिय पुरुष भलिबल प्रतियोगितमा सेमिफाइनल पुग्ने तीन टिमको टुंगो लागेको छ ।

बिहीबारको खेलमा जित हात पार्दै ढोरपाटन क्लब, सशस्त्रको एपीएफ र गिताञ्जली कलेज सेमिफाइनलमा पुगेका हुन् । शुक्रबार बाग्लुङको गडिमालिका र गण्डकी प्रदेशको विजेता सेमिफाइनलमा पुगे पछि समीकरण पूरा हुने छ । बिहीबार भएको खेलमा ढोरपाटनले थ्री स्टार एकेडेमीलाई ३–२ को सेटमा पराजित गरेको थियो ।

पहिलो सेट २५–२२ ले जितेको ढोरपाटनले दोस्रो सेट ३२–३०ले आफ्नो पक्षमा पारेको थियो । त्यसपछि लगातार दुई सेट गुमाएको ढोरपाटनले अन्तिम सेट आफ्नो पक्षमा पार्दै सेमिफाइनलमा स्थान सुरक्षित गरेको हो ।

थ्री स्टारले तेस्रो र चौथो सेट २५–१८ र २५–१५ ले जिते पछि अन्तिम सेटको नतिजा कुर्नु परेको थियो । तर अन्तिम सेट ढोरपाटनले थ्री स्टारलाई १५–१३ ले स्तब्ध बनाएका थियो ।

विहीबारनै भएको अर्को खेलमा सशस्त्र प्रहरीको एपीएफले पाल्पालाई ३–० को सेटमा पराजित गरेको थियो । एपीएफले पहिलो सेट २५–२० ले आफ्नो पक्षमा पारेको थियो भने दोस्रो र तेस्रो सेट २५–१५ र २५–१६ ले जितेको थियो ।

यसैगरी बिहीबारको अन्तिम खेलमा गिताञ्जली कलेजले बुढानीलकण्ठलाई ३–० कै सेटमा पराजित गरेको थियो । प्रतिपर्धात्मक पहिलो सेट २८–२६ ले जितेको गिताञ्जलीले दोस्रो र तेस्रो सेट २५–१४ र २५–२३ ले आफ्नो पक्षमा पारेको थियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्