गाई, बाँदर र सिंहले पनि अब तमिल र संस्कृत बोल्ने

असोज ४, २०७५ बिहीबार २१:५९:१९ | एजेन्सी

आफूलाई भगवान बताउने स्वामी नित्यानन्दले गाई, बाँदर र सिंहलाई संस्कृत तथा तमिल भाषा सिकाउन सक्ने दावी गरेका छन् । समाजिक सञ्जालमा उनले गरेको यस्तो दावी अहिले निकै नै भाइरल भएको छ ।

नित्यानन्दले एउटा सफ्टवेर तयार गरेको बताएका छन् । जुन सफ्टवेरको सहायताले गाई, बाँदर तथा सिंह पनि संस्कृत र तमिल बोल्न सक्ने उनको दावी छ । आफूले बनाएको सफ्टवेरको परीक्षण पनि भैसकेको उनले बताएका छन् । एक वर्षभित्र आफूले प्रमाणित गरेरै देखाइदिने पनि उनको भनाई छ ।

आफूसँग आध्यात्मिक शक्ति भएको र त्यसैको सहयोगमा गाई, बाँदरजस्ता जनावरमा मानिसमा मात्रै भएको अंग विकास गर्ने नित्यानन्दले बताएका छन् । नित्यानन्दले जनावरको लागि भोकल कर्ड अर्थात बोल्ने नलीको विकास गर्ने बताएका छन् ।

स्वामी नित्यानन्द दक्षिण भारतका चर्चित तथा निकै नै विवादित बाबा हुन् । उनीमाथि एक दक्षिण भारतीय अभिनेत्रीलाई बलात्कार गरेको आरोप लागेको छ ।

यसका अलावा नित्यानन्दमाथि आफ्नै शिष्यहरुले पनि शारीरिक शोषण गरेको आरोप लगाएका छन् । साथै उनीमाथि जबरजस्ती समलिंगी सम्बन्ध राखेको पनि आरोप लागिसकेको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्