ए डिभिजन लिगको ट्रफी रत्नराज्य स्कुल पुग्यो

असोज ५, २०७५ शुक्रबार १६:२:२५ | उज्यालो सहकर्मी

काठमाडौं – सहिद स्मारक ए डिभिजन लिग ट्रफी टुर अन्तर्गत शुक्रबार बानेश्वरमा रहेको रत्नराज्य स्कुलमा कार्यक्रम गरिएको छ ।

राष्ट्रिय खेलाडी अञ्जन विष्टसँगै मनाङ मर्स्याङ्दी क्लबका पुजन उपरकोटी कार्यक्रममा सहभागी थिए । कार्यक्रममा हास्य कलाकारद्वय दिपाश्री निरौला र जितु नेपाल ‘मुन्द्रे’ले विद्याथीसँग साक्षात्कार गरेका थिए ।

प्रशिक्षक सुनिल श्रेष्ठ, मृगेन्द्र मिश्र र नवीन महर्जनले माध्यामिक स्तरका विद्यार्थीलाई फुटबल प्रशिक्षण गराएका थिए ।

विद्यालयका उपप्रधानाध्यापक जीवनप्रकाश रेग्मीले अखिल नेपाल फुटबल संघ एन्फाको यो फुटबल जागरण अभियानको प्रशंसा गरे । साथै उनले २५०० भन्दा बढी विद्यार्थी रहेको रत्नराज्य स्कुललाई कुनै मैदान उपलब्ध गराएमा त्यहाँबाट राष्ट्रिय खेलाडी उत्पादन हुन सक्ने बताए ।

‘फुटबल खेल्न हामीलाई समस्या छ । हामी नजिक रहेको च्यासल मैदान महिनामा कम्तीमा एक दिन उपलब्ध गराउनु भयो भने यहाँबाट नै राष्ट्रिय प्रतिभा उत्पादन गर्छौँ’, उपप्रधानाध्यापक रेग्मीले भने ।

कार्यक्रम अर्का अतिथि तथा कलाकार जितु नेपालले भने एन्फा र सरकारले छिटोभन्दा छिटो मैदान निर्माण गर्नु पर्ने कुरामा जोड दिए । यस्तै दीपाश्री निरौलाले विद्यार्थीहरुलाई शिक्षासँगै खेलकुदमा लाग्न सुझाव दिइन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्