एएफसी यू-१६ महिला च्याम्पियनसिप छनाेट: नेपालकाे पाेष्टमा म्यानमारकाे गाेलकाे वर्षा, ११-१ ले पराजित

असोज ५, २०७५ शुक्रबार १८:०:५३ | उज्यालो सहकर्मी

काठमाडाैं - थाइल्याण्डमा हुने एएफसी यू १६ महिला च्याम्पियनसिपमा छनोट हुने नेपालको सम्भावना सकिएको छ ।

पहिलो खेलमा फिलिपिन्सँग ४–० ले पराजित भएको नेपाल शुक्रबार म्यानमारसँग ११–१ गोल अन्तरले पराजित भएपछि छनोटको सम्भावना सकिएको हो ।

हलचोक मैदानमा आज भएको खेलमा म्यानमारले पहिलो हाफको सुरुदेखि नै गोलको वर्षा गरेको थियो । पहिलो हाफको चौथो मिनेटबाट गोल खान शुरु गरेको नेपालले ६३औं मिनेटसम्म खेल पुग्दा नेपालले ११ गोल खाएको थियो ।

नेपालले ७४औं मिनेटमा सान्त्वना गोल फर्काएकाे थियो । नेपालका लागि एक मात्र गोल सावित्री ठोकरले गरेकी हुन् ।

म्यानमारका लागि स्वीओर माङले पहिलो हाफको ३८ मिनेटभित्र एक्लै ५ गोल गरेकी थिइन् । उनले चौथो मिनेटमा गोल गर्दै सुरुआत गरेकी थिइन् ।

उनले ४, ६, १७, २० र ३८औं मिनेटमा गोल गरेकी थिइन् । त्यस्तै मायाट खिनले ९, २९ र ३३ औं मिनेटमा गोल गर्दै ह्याट्रिक गरिन् । पहिलो हाफकै तेस्रो मिनेटमा जिन मारले गोल गरेकी थिइन् ।

फु रेनले ३०औं तथा पोन्ट पोन्टले ६३ औं मिनेटमा थप एक गोल गरिन् । नेपालले पहिलो हाफमा १० गोल खाँदा दोस्रो हाफमा भने १ गोल मात्र खाएको थियो ।

यसअघि आजै भएको पहिलो खेलमा फिलिपिन्सले लगातार दोस्रो जित निकालेको छ ।

हलचोक रंगशालामा सम्पन्न खेलमा समूह ई मा रहेको फिलिपिन्सले मलेसियालाई १–० गोलअन्तरले पराजित गरेको हो । पहिलो खेलमा नेपाललाई पराजित गरेको फिलिपिन्स लगातार दोस्रो जितसँगै लिग तालिकाको शीर्ष स्थानमा छ ।

खेलको ८१औं मिनेटमा अलामोको गोल फिलिपिन्सको जितमा निर्णायक बन्यो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्