न्यूयोर्कमा हुने भनिएको भारत–पाकिस्तान वार्ता किन भयो रद्ध ?

असोज ६, २०७५ शनिबार ७:१०:४१ | एजेन्सी

भारतीय विदेशमन्त्री सुष्मा स्वराज र पाकिस्तानी समकक्षी शाह महमूद कुरैशीबीच आउँदा हप्ता न्यूयोर्कमा हुने भनिएको वार्ता भारत सरकारले रद्ध गरेको छ ।

एनडीटीभीले जनाए अनुसार जम्मू–कश्मीरमा आतंकवादीहरुले तीन जना भारतीय प्रहरीको अपहरणपछि हत्या गरेको घटनाका कारण भारतले वार्ता रद्ध गरेको हो ।

यसै विषयमा भारतीय विदेश मन्त्रालयका प्रवक्ता रवीश कुमारले भनेका छन्, ‘पाकिस्तानका प्रधानमन्त्री इमरान खानले भारतीय प्रधानमन्त्री नरेन्द्र मोदीसँग दुई देशबीचको वार्ता सुरु गर्न प्रस्ताव दिएका थिए । जसलाई भारतले स्वीकार पनि गरेको थियो । तर शुक्रबार जम्मू–कश्मीरमा घटेको घटनापछि इमरान खानको वास्तविक अनुहारको पर्दाफास भएको छ ।’

रवीश कुमार अगाडि भन्छन्, ‘इमरान खानको पत्र प्राप्त भएपछि दुई देशबीच सकारात्मक सम्बन्ध अगाडि बढ्ने आशा पलाएको थियो । तर अहिले त्यही पत्र दूर्भावनाका साथ दिएको महसुस हुन थालेको छ ।’ प्रवक्ता कुमारले ‘आतंकवाद र वार्ता’ एकसाथ चल्न नसक्ने बताए ।

यसअघि पनि सन् २०१५ मा भारत र पाकिस्तानको बीचमा द्विपक्षीय वार्ता हुनेवाला थियो । तर त्यतिबेला पनि जम्मू–कश्मीरको एक सैन्य शिविरमा आतंकवादी आक्रमण भएपछि भारतले वार्ता रद्ध गरेको थियो ।

त्यही वर्षको डिसेम्बरमा भारतीय विदेशमन्त्री सुष्मा स्वाराज ‘हार्ट अफ् एसिया’ कार्यक्रममा भाग लिन इस्लामाबाद गएकी थिइन् । तर त्यतिबेला आपसी सम्बन्धका बारेमा विशेष कुराकानी हुन सकेन ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्