दार्चुलामा चार वर्षपछि चीनतर्फको तिङ्कर नाका जानका लागि पासको...
बैशाख १४, २०८१ शुक्रबार
अर्घाखाँची - अर्घाखाँचीको मालारानी गाउँपालिका-२ डाँडाकटेरीमा श्रीमतीकाे हत्या आराेपमा श्रीमान् पक्राउ परेका छन् ।
डाँडाकटेरीका २७ वर्षीय कमल भुसाललाई २७ वर्षीया श्रीमती सरु भट्टराई भुसालको हत्या आराेपमा पक्राउ गरिएकाे जिल्ला प्रहरी कार्यालय अर्घाखाँचीका प्रहरी निरीक्षक अर्जुन पौडेलले बताउनु भयाे ।
भुसालले आफूहरु दुबै जना घरबाट नजिकैको जङ्गलमा घाँस दाउरा लिन गएकाे र आफूले कम्मरमा बाँधेको गम्छाले श्रीमतीको घाँटी कसेर हत्या गरेकाे बयान दिएका प्रहरी निरीक्षक पाैडेलले बताउनु भयाे । श्रीमतीकाे हत्यापछि भुसाल आफैँ प्रहरी चाैकी पुगेका थिए ।
प्रहरी निरीक्षक पौडेलले घटना बारे अनुसन्धान भइरहेको जानकारी दिनुभएकाे छ ।