कालिकाेटकाे सान्नी त्रिवेणीमा गाउँमै वृद्ध भत्ता

असार १८, २०७९ शनिबार २०:३९:२४ | मनिराज पाण्डे

कालिकोट – गाउँपालिकाको पहिलो बैठकले निर्णय गरे बमाेजिम कालिकोटको सान्नी त्रिवेणी गाउँपालिकाले गाउँमै वृद्धभत्ता बाँड्न थालेको छ ।

गाउँपालिकाको पहिलो बैठकले गाउँमै पुगेर वृद्ध भत्ता बाँड्ने निर्णय गरेको थियो । कठिन भूगोल र भिरालो बाटो हिँडेर वृद्धवृद्धाहरुलाई बैंंकसम्म पुग्न असहज भएपछि गाउँपालिकाले बैंकसँगको सहकार्यमा गाउँमै वृद्धभत्ता बाँड्न थालेको गाउँपालिका उपाध्यक्ष पार्वती सिह सञ्यालले बताउनु भयाे ।

रकम भुक्तानी गर्दा इन्टरनेट चाहिने भएकाले अहिले विद्यालय, स्वास्थ्य संस्था वा वडा कार्यालय नजिकैबाट सेवा प्रवाह सुरु गरिएको वडा नं १ का वडा अध्यक्ष बैकुन्ठ गिरीले बताउनु भयाे । गाउँमै वृद्धभत्ता पाएपछि वृद्धवृद्धा खुशी भएका छन् । सान्नी त्रिवेणी गाउँपालिका वडा नं १ र २ मा शनिबार वृद्धभत्ता बाँड्ने काम सम्पन्न भएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मनिराज पाण्डे

कालिकोटका पत्रकार मनिराज पाण्डे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्