हेटौंडाको वडा ११ र १२ जोड्ने राप्ती पुल समयसीमा अगावै निर्माण

असार २८, २०७९ मंगलबार ७:३२:१० | हरि हुमागाईं

मकवानपुर – हेटौंडा उपमहानगरपालिकाको वडा ११ र १२ जोड्ने राप्ती पुल समयसीमा अगावै निर्माण सम्पन्न भएको छ । २ सय १५ मिटर लम्बाइ रहेको पुल २७ करोड ४६ लाख २० हजार रुपैयाँमा ठेक्का सम्झौता गरेर तीन महिना अगाडि नै काम सकिएको हो ।

तोकिएको समयसीमा भन्दा अगाडि नै पुल बनेपछि स्थानीय बासिन्दा खुसी भएका छन् । वाग्मती प्रदेशको यातायात पूर्वधार निर्देशनालय हेटौंडाले निर्माण कम्पनी मार्फत पुल निर्माण गरेको निर्देशनालयका प्रवक्ता इन्जिनियर हरिप्रसाद ओझाले जानकारी दिनुभयो । यो पुलको वाग्मती प्रदेशका तत्कालीन मुख्यमन्त्री डोरमणि पौडेलले २०७७ मंसिर १८ गते शिलान्यास गर्नुभएको थियो । वाग्मती प्रदेश यातायात पूर्वाधार निर्देशनालयले पक्की पुल २०७६ असोज २७ गते निर्माण कम्पनी एलिट कन्स्ट्रक्सन कम्पनीसँग सम्झौता गरेको थियो ।

निर्माण कम्पनीले असार २४ गते पुल र ७ सय मिटरको एप्रोच सडक मन्त्रालयलाई हस्तान्तरण गरेको छ । यातायात पूर्वाधार निर्देशनालय हेटौंडाका निर्देशक सहदेव भण्डारीका अनुसार पुल २०७९ असोज २६ गते निर्माण सम्पन्न मिति तोकिएको थियो । वाग्मती प्रदेश सरकार गठन भएदेखि अहिलेसम्म ७१ वटा पुल निर्माण भइसकेको छ । जसमध्ये दुईवटा पुल तोकिएको समय भन्दा अगाडि सम्पन्न भएका छन् । प्रदेशले ठेक्का आह्वान गरेकोमध्ये ३० वटा पुल निर्माणाधीन अवस्थामा रहेको मन्त्रालयले जनाएको छ ।

निर्माण कम्पनीलाई दैनिक शून्य दशमलव ५ प्रशितका दरले बाँकी समयको रकम पुरस्कार स्वरुप उपलब्ध गराउने पनि निर्देशक भण्डारीले बताउनुभयो । यसअघि प्रदेशले निर्माण गरेको नुवाकोटको तादी खोलाको ६५ मिटरको पक्की पुल तोकिएको समयभन्दा अगाडि नै निर्माण सम्पन्न भएको थियो ।

पक्की पुल नहुँदा स्थानीयबासिन्दालाई विशेष गरी बर्खामा गाडी वारपार गर्न समस्या हुने गरेको थियो । पक्की पुल र बाटो निर्माण भएसँगै त्यसक्षेत्रमा उत्पादन हुने खाद्यान्न तथा अन्य उत्पादन बजार ल्याउन सहज हुने स्थानीय अशोक दुलालले बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्