शिखर धवन र रोहित शर्माको शतक, पाकिस्तानलाई ९ विकेटले हराउँदै भारत फाइनलमा

असोज ८, २०७५ सोमबार ७:४६:४८ | उज्यालो सहकर्मी

एसिया कप क्रिकेटमा भारत फाइनलमा प्रवेश गरेको छ । आइतबार राती भएको सुपर फोरको खेलमा पाकिस्तानलाई ९ विकेटको फराकिलो अन्तरले पराजित गर्दै फाइनलकाे यात्रा तय गरेको हो ।

भारत पाकिस्तानमाथि ९ विकेटको जित दर्ता गर्दै ४ अंक सहित शीर्ष स्थानमा छ ।

पहिलो खेलमा भारतले बंगलादेशलाई पराजित गरेको थियो । युएईको दुबईमा भएको खेलमा टस जितेर पहिला ब्याटिङ गरेको पाकिस्तानले निर्धातिर ओभरमा ७ विकेट गुमाएर २३७ रन बनाएको थियो । २३८ रनको लक्ष्य भारतले ३९.३ ओभरमा मात्र एक विकेट गुमाएर भेटाएको थियो ।

भारतलाई जिताउन शिखर धवन र कप्तान रोहित शर्माले २१० रनको ओपनिङ साझेदारी गरेका थिए । शिखरले ११४ रन बनाउँदा कप्तान रोहित १११ रनमा नट आउट रहे । यसैगरी अम्वाती रायडु १८ रनमा नट आउट रहे । शिखर धवनको करियरको २६औं तथा एसिया कपको दोस्रो शतक हो ।

यसैगरी रोहितले १९ औं तथा एसिया कपमा पहिलो शतक बनाएका छन् । सुरुमै जिवन दान पाएका रोहितले त्यसको पुरै फाइदा उठाउँदै एकदिवसीय क्रिकेटमा ७ हजार रन पनि पूरा गरेका छन् । एसिया कपको अन्तिम सुपर फोरको खेल मंगलबार हुने छ । त्यसमा भारतले बंगलादेशसँग प्रतिस्पर्धा गर्ने छ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्