एसिया कप : अफगानिस्तानमाथि बंगलादेशकाे तीन रनको रोमाञ्चक जित

बंगलादेशको फाइनल पुग्ने सम्भावना जिवितै

असोज ८, २०७५ सोमबार ८:५:१२ | उज्यालो सहकर्मी

एसिया कप क्रिकेटको दोस्रो सुपर फोरमा बंगलादेशले पहिलो जित निकालेको छ । पहिलो खेलमा भारतसँग पराजित भएको बंगलादेशले दोस्रो खेलमा अफगानिस्तानलाई ३ विकेटले पराजित गर्दै फाइनल पुग्ने सम्भावना जिवितै राखेको हो ।

मंगलबारको खेलमा बंगलादेश र पाकिस्तान भिड्दैछन् । याे खेलमा विजयी हुने टिमले उपाधिका लागि भारतसँग प्रतिस्पर्धा गर्ने छ । भारत र अफगानिस्तानबीचको खेलको नतिजाले फाइनल समिकरण भने केही परिवर्तन हुने छैन ।

अाइतबार रातिको खेलमा बंगलादेशले अफगानिस्तानमाथि ३ रनको रोमाञ्चक जित हात पारेको थियो । २५० रनको लक्ष्य पछ्याएको अफगानिस्तान ७ विकेट गुमाउँदै २४६ रनमा रोकिएपछि बंगलादेशको फाइनल पुग्ने सम्भावना जिवितै रहेको हो ।

सुरुमा दबाबमा आएको बंगलादेशका लागि इमरुल किएस र मोहमदुल्लाहले १२८ रनको साझेदारी गर्दै स्कोर उकासेका थिए । इमुरुल ७२ रनमा नट आउट रहँदा मोहमदुल्लाहले ७४ रन बनाएका थिए । २५० रनको लक्ष्य पाएको अफगानिस्तानले मध्य क्रममा राम्रो प्रदर्शन गरेपछि लक्ष्य भने भेटाउन सकेन ।

अफगानिस्तानका लागि हस्मतुल्लाह साहिदीले ७१ रन बनाउँदा मोहमद साहेजादले ५३ रनको योगदान दिएका थिए । बंगलादेशका मर्सरफे मोर्तजा र मुस्फिकुर रहेमानले दुई दुई विकेट लिएका थिए । अन्तिम सुपर फोरको खेलमा मंगलबार अफगानस्तिानले भारतसँग र बंगलादेशले पाकिस्तानसँग खेल्नेछन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्