एन्फाको निर्वाचनमा लाखौँ रुपैयाँ भ्रष्टाचार, निर्वाचन कमिटी नै बिक्यो : मणि कुँवर

असोज ८, २०७५ सोमबार १९:१५:३८ | उज्यालो सहकर्मी

काठमाडौं – अखिल नेपाल फुटबल संघ (एन्फा) को निर्वाचनमा लाखौं रुपैयाँ भ्रष्टाचार गरेर हालको नेतृत्वले चुनाव जितेको आरोप लागेको छ ।

गएको वैशाख २२ गते भएको एन्फा चुनावका पराजित उम्मेदवार मणि कुवँरले चुनावका क्रममा भ्रष्टाचार भएको र त्यसको प्रमाण आफूसँग भएको दावी गरेका छन् ।

एन्फामा निर्वाचन भएको झण्डै ४ महिनापछि कुँवरले ६ वटा बुँदामा भ्रष्टाचार भएको आरोप लगाएका छन । उनले आफूसँग सबै बुँदाको पर्याप्त प्रमाण भएको भन्दै चुनाव अगाडि निर्वाचित प्रतिनिधिलाई आर्थिक प्रलोभनमा पारेको, विभिन्न प्रतिनिधिलाई मोटो रकम वितरण गरेको, न्यायालयलाई समेत आर्थिक प्रलोभनमा पारेको, निर्वाचन कमिटीलाई पनि किनेको आरोप लगाएका छन् ।

एन्फाको चुनावमा अन्तिम समयमा सहभागी नहुने घोषणा गरेका कुँवरले त्यतिबेला रहेका सुमन केसी र राजभाई मानन्धरले आर्थिक लेनदेन गरेको समेत आरोप लगाए । यसबारे उनले गएको अगष्ट ८ तारिखमा फिफा र एएफसीलाई पत्र पठाएको र एएफसीबाट फिफाको इथिक्स कमिटीमा फरवार्ड भइसकेको दावी गरे ।

कुँवरले नेपालको न्यायालय नै बिकेको गम्भीर आरोप पनि लगाएका छन् । एन्फाको निर्वाचनको केही दिनअघि कुँवर पक्षले जिल्ला अदालत काठमाडौंमा दायर गरेको मुद्दा अदालतले दरपीठ गरिदिएको थियो ।

उनले अदालतमाथि लागेको आरोप प्रमाणित नभए त्यसले निम्त्याउने परिणाम व्यहोर्न तयार रहेको पनि बताएका छन् ।

कर्मा छिरिङ शेर्पा एन्फामा निर्वाचित भएपछि पनि भएका कामहरूमा अनियमितता भएको उनको दावी छ ।

कुँवरले आफूसँग यथष्ट प्रमाण भएकाले यो निर्वाचनमा ठूलो भ्रष्टाचार भएको प्रमाणित हुने र प्रमाणसहित न्यायालयमा जाने बताए ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्