रसुवाको गोसाइँकुण्डमा लाग्ने विशेष मेलाका लागि खाद्यान्नको ढुवानी सुरु

साउन ७, २०७९ शनिबार ९:२:१३ | उज्यालो सहकर्मी

रसुवा - रसुवाको गोसाइँकुण्डमा लाग्ने विशेष मेलाका लागि चहलपहल सुरु भएको छ ।

मेलाको व्यवस्थापन तथा आवश्यक खाद्यान्नको ढुवानी थालिएको छ । मेला भर्न निलाद्री पर्वत पुग्ने भक्तजनलाई भोजनको व्यवस्था मिलाउन स्थानीय व्यवसायीले खाद्यान्न ढुवानी गर्न थालेका हुन् । आउँदो साउन २७ गते जनैपूर्णिमामा लाग्ने गोसाइँकुण्डको विशेष धार्मिक मेलामा १५ हजार भक्तजन आउने गोसाइँकुण्ड क्षेत्र विकास समितिले आकलन गरेको छ ।

गोसाइँकुण्ड जाने धार्मिक यात्रुलाई खान तथा बस्न कुनै समस्या नपर्ने होटल सङ्घ रसुवाका अध्यक्ष रामशरण गजुरेलले जानकारी दिनुभयो । आवश्यक खाद्य सामग्री भरिया तथा खच्चड, घोडाद्वारा ढुवानी भइरहेको लौरी विनायकका व्यवसायी पासाङ ग्याल्पो तामाङले बताउनुभयो ।

साउन २३ गते पुत्रदा एकादशीबाट स्नान सुरू भइ २७ गते समापन हुने जनैपूर्णिमा मान्न २२ गते नै भक्तजन गोसाइँकुण्ड पुग्ने गोसाइँकुण्ड क्षेत्र विकास समितिका अध्यक्ष सञ्जीव डीएमले बताउनुभएको छ । तीर्थमा आएका भक्तजनलाई लौरीको नाममा रुखबिरुवा नकाट्न र फोहर जथाभाबी नफाल्न लाङटाङ राष्ट्रिय निकुञ्जले अनुरोध गरेको छ ।

अन्तिम अपडेट: माघ ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रसुवाको गोसाइँकुण्डमा लाग्ने विशेष मेलाका लागि खाद्यान्नको ढुवानी सुरु

फाइल फाेटाे

तपाईको प्रतिक्रिया