मनपरि भाडा असुलेको गुनासोपछि पर्वतमा नयाँ भाडादर तोकियो

साउन ७, २०७९ शनिबार १०:३४:५४ | सन्तोष थापा

पर्वत - पर्वतमा मनपरि भाडा लिएको गुनासोपछि जिल्लाभित्र चल्ने जीप तथा बसका लागि नयाँ भाडादर तोकिएको छ ।

नयाँ कायम भएको भाडादर अनुसार पर्वतका कच्ची सडकमा यात्रा गर्ने यात्रुका लागि जीपमा प्रतिकिलाेमिटर ११ रुपैयाँ र बसमा प्रतिकिलोमिटर १० रुपैयाँ तोकिएको छ । त्यस्तै कालोपत्रे, ग्राबेल र पक्की सडकमा प्रतिकिलोमिटर जीपमा ९ रुपैयाँ ५० पैसा र बसमा ९ रुपैयाँ कायम गरिएको छ । यसअघि ग्रामीण क्षेत्रमा चल्ने जीपले प्रतिव्यक्ति प्रतिकिलोमिटर २७ रुपैयाँसम्म भाडा लिँदै आएका थिए ।

नयाँ भाडादरलाई यात्रुले देख्नेगरी टाँस्न पनि यातायात व्यवसायीलाई अनुरोध गरिएको जिल्ला प्रशासन कार्यालय पर्वतले जनाएको छ । अटो रिक्सामा कुश्मा बजार भित्र प्रतिव्यक्ति ५० रुपैयाँ र फलेवास नगरपालिकाको रुट कायम गरी प्रतिकिलोमिटर १५ रुपैयाँ मात्रै लिन पाउने निर्णय भएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्