१० वर्षपछि माडी पुल निर्माणको जिम्मा एसियाटिक राज जेभी कन्ट्रक्सन कम्पनीलाई !

असोज ९, २०७५ मंगलबार १४:४:२ | माधवकुमार ओली

रोल्पा – रोल्पाको सदरमुकाम लिवाङ र पश्चिम भेगका ६ गाउँपालिकालाई जोड्ने माडी खोलामा पुलको जिम्मा १० वर्षपछि फेरि अर्काे निर्माण कम्पनीलाई जिम्मा दिइएको छ ।

२०६५ सालमा टेन्डर आह्वान गरी लामा/एडी/धर्मेन्द्र जेभी कम्पनीलाई पुल निर्माणको जिम्मा दिइएको भए पनि त्यस कम्पनीले निर्माण नगरी अलपत्र पारेकाले त्यस कम्पनीसँगको टेन्डर खारेज गरेर १० वर्षपछि एसियाटिक राज जेभी कन्ट्रक्सनलाई पुल निर्माणको जिम्मा दिइएको हो ।

मध्यपश्चिम सडक डिभिजन कार्यालय प्युठानका डिभिजन प्रमुख सुरेश न्यौपानेका अनुसार पुल निर्माणका लागि कार्यालयले २०६५ सालमा ३ करोड ९२ लाखमा निर्माणको जिम्मा दिएको थियो । तर त्यस कम्पनीले १ करोड ६८ लाख ९२ हजारको काम गरी लामो समयसम्म पुल अलपत्र पारेकाले पहिलाको कम्पनीलाई कारबाही गरी अर्काे कम्पनीलाई जिम्मा दिइएको हो ।

‘पहिलाको कम्पनीलाई कालो सूचीमा राखेर नयाँ टेन्डर प्रक्रियाबाट पुल निर्माण सुरु भएको छ’, न्यौपानेले भन्नुभयो । त्यस कम्पनीले १ करोड ६० लाख ७३ हजार रुपैयाँ भुक्तानी समेत लगेको कार्यालयले जनाएको छ ।

अबको डेढ वर्षभित्र निर्माण कार्य सम्पन्न गर्ने गरी जम्मा ३ करोड ३५ लाख ९७ हजार रुपैयाँमा एसियाटिक राज जेभीलाई जिम्मा दिइएको डिभिजन प्रमुख न्यौपानेको भनाई छ ।

लामो समयसम्म पुल निर्माण हुन नसकेपछि केही वर्षयता माडीखोलामा अस्थायी रुपमा बेलीब्रिज जडान गरिएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

माधवकुमार ओली

रोल्पाका पत्रकार माधवकुमार ओली उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्