उपचुनाव : अत्यावश्यक र पास पाएका गाडी निर्बाध चलाउन पाइने
बैशाख १४, २०८१ शुक्रबार
काठमाण्डाै – काठमाण्डौ महानगरपालिकाले सडकमा थुप्रिएको सबै फोहर पाँच दिनभित्रमा उठिसक्ने दाबी गरेको छ । एक हप्ता अघिसम्म दिनमा ६० देखि ८० टिप्पर फोहर सिसडोल पठाइरहेकोमा अस्ति बिहीबारदेखि भने दैनिक २ सय टिप्पर फोहर बोकेर सिसडोल गइरहेको काठमाण्डौ महानगरपालिकाका प्रवक्ता नवीन मानन्धरले बताउनु भयो ।
मौसमले साथ दिएमा यसरी नै फोहर उठ्ने र अबको पाँच दिनमा उपत्यकाको सबै फोहर उठिसक्ने उहाँले दाबी गर्नुभयो । महानगरपालिकाले सम्झौता अनुसारको काम नगरेको भन्दै भदौ १ गतेदेखि सिसडोलमा फोहर व्यवस्थापन गर्न नदिने सिसडोलवासीको भनाइ छ नि ? भन्ने प्रश्नमा प्रवक्ता मानन्धरले महानगरपालिकामा आधिकारिक रुपमा यस्ता सूचना नआएको जानकारी दिनु भयो । सिसडोल बाहेक अर्को विकल्प नभएकाले फोहर व्यवस्थापनको अन्तिम विकल्प नै सिसडोल भएकाे उहाँकाे भनाइ छ । सिसडोलमा नै फोहर व्यवस्थापन गर्ने भन्दै सम्झौता गरेर महानगरले एक करोड रुपैयाँ रकम छुट्याएर लगानी गर्न थालेकाले फोहर व्यवस्थापन सिसडोलमा नै हुने प्रवक्ता मानन्धरले बताउनु भयो ।