युवा परिषद्ले आयोजना गरेको गजल, टिकटक र युट्युब भिडियो प्रतियोगिताको नतिजा सार्वजनिक

साउन २६, २०७९ बिहीबार ७:५५:१ | उज्यालो सहकर्मी

काठमाण्डाै - राष्ट्रिय युवा परिषद्ले आयोजना गरेको सन्देशमूलक नेपाली गजल, टिकटक र युट्युब भिडियो प्रतियोगिताको नतिजा सार्वजनिक भएको छ ।

नतिजाअनुसार गजल प्रतियोगितामा डोटीका समिर ओझा पहिलो, खोटाङका विक्रम चेतनशील राई दोस्रो र कास्कीका संयोग बस्याल तेस्रो तथा झापाकी सरु आचार्य (दुलाल) ले सान्त्वना पुरस्कार जितेका छन् ।

सन्देशमूलक युट्युब भिडियो प्रतियोगितामा कास्कीका अभ्यासराज चालिसे पहिलो, सुनसरीका तीर्थराज विश्वकर्मा दोस्रो र सुर्खेतकी प्रिशिला गिरी तेस्रो तथा कपिलवस्तुका खुमबहादुर सुनारले सान्त्वना स्थान हासिल गरेका छन् ।

टिकटक प्रतियोगितामा काठमाण्डौकी काजोल कार्की पहिलो, नवलपरासीका आश्विन परियार दोस्रो, दाङकी मनिषा परियार तेस्रो र इलामका विनोद लोहारले सान्त्वना पुरस्कार जितेका छन् । प्रतियोगितामा पहिलो हुनेलाई ४० हजार, दोस्रो हुनेलाई ३० हजार, तेस्रो हुनेलाई २० हजार र सान्त्वना स्थान हासिल गर्नेलाई १० हजार रुपैयाँ पुरस्कार दिइने राष्ट्रिय युवा परिषद्ले जनाएको छ ।

भोलि मनाइने अन्तर्राष्ट्रिय युवा दिवसका अवसरमा प्रतियोगिता आयोजना गरिएको हो । परिषद्काअनुसार दिवसको अवसरमा भोलि काठमाण्डौमा हुने मूल समारोहमा विजेताहरुलाई पुरस्कार तथा प्रमाणपत्र प्रदान गरिने छ ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्