साञ्जेन जलविद्युतको सम्पत्तिमा तोडफोड, कर्मचारी पनि कुटिए

साउन २९, २०७९ आइतबार १६:१६:४६ | उज्यालो सहकर्मी

काठमाण्डाै – शेयर बाँडफाँटमा असहमति जनाउँदै रसुवामा रहेको साञ्जेन जलविद्युत् कम्पनीको सम्पत्तिमा स्थानीयवासीले तोडफोड गरेका छन् ।

शेयर बाँडफाँटमा पहिलेदेखि नै असहमति जनाउँदै आएका गत्लाङका स्थानीयवासीले चिलिमे गाउँपालिकामा रहेको साञ्जेन जलविद्युत् आयोजनाको कार्यालय, पेट्रोल पम्प, गाडीलगायतका सम्पत्तिमा तोडफोड गरेका हुन् । उनीहरूले कर्मचारीलाई पनि कुटेका छन् । साञ्जेनको कार्यालय र सम्पत्ति तोडफोड गरेपछि उनीहरूले माथिल्लो साञ्जेनको कार्यालय पनि तोडफोड गर्ने चेतावनी दिएका छन् ।

तोडफोडबाट आयोजनाको झन्डै पाँच करोड रुपैयाँको क्षति भएको कम्पनीका एक कर्मचारीले जानकारी दिएका छन् । स्थानीयवासीले आक्रमण गर्नुअघि नै प्रहरीलाई जानकारी गराए पनि प्रहरीले वास्ता नगरेको कर्मचारीको गुनासो छ । आयोजनाले रसुवाका नागरिकका लागि १० प्रतिशत शेयर छुट्याएको छ । रसुवाभित्र पनि अति प्रभावित, प्रभावित र जिल्लावासीका लागि फरक–फरक अनुपातमा शेयरको छुट्याइएको छ । तर गत्लाङका बासिन्दाले आफूहरूलाई अति प्रभावित क्षेत्रमा राखेर धेरै शेयरको माग गर्दै उच्छृङ्खल गतिविधि गर्दै आएका आयोजनाको भनाइ छ ।

२०७६ सालमै भएको निर्णय र सहमतिअनुसार अहिले शेयर जारी गर्न लाग्दा गत्लाङका बासिन्दाले विरोध गरेका आयोजनाले जनाएको छ ।

अन्तिम अपडेट: माघ ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्