आउँदाे चुनावमा जित्ने र टिक्नेलाई उठाउँछाैँ, एमालेले बहुमत ल्याउँछ : पाेखरेल

साउन ३०, २०७९ सोमबार १६:२१:४५ | उज्यालो सहकर्मी

काठमाण्डाै – नेकपा एमालेका वरिष्ठ उपाध्यक्ष ईश्वर पोखरेलले आउँदाे मङ्सिर ४ गते हुने प्रतिनिधि सभा र प्रदेश सभा चुनावमा आफ्नो पार्टीेले बहुमत ल्याउने दाबी गर्नुभएको छ । पालिका चुनावमा सर्वाधिक जनताको लोकप्रिय मत पाएकाले एमालेले आउँदाे चुनावमा बहुमत ल्याउने वरिष्ठ उपाध्यक्ष पोखरेलको तर्क थियो ।

पार्टी निकट विद्यार्थी सङ्गठन अनेरास्ववियुले आज साेमवार काठमाण्डाैमा आयोजना गरेको एक कार्यक्रममा बोल्दै उहाँले उम्मेदवार तय गर्दा व्यवस्थापकीय कमजोरी भएका कारण पालिका चुनावमा आफ्नो पार्टी पहिलो शक्ति बन्न नसकेको उल्लेख गर्दै अब हुने चुनावमा त्यस्तो गल्ती नगर्ने प्रतिबद्धतासमेत व्यक्त गर्नुभयो । जित्ने र टिक्नेहरूलाई मात्रै पार्टीले आउँदाे चुनावमा उम्मेदवार बनाउने वरिष्ठ उपाध्यक्ष पोखरेलले बताउनुभयो ।

उहाँले भन्नुभयो, ‘आउने चुनावमा एमालेले बहुमतका साथ प्रतिनिधि सभामा पनि आफ्नो प्रतिनिधित्व गर्छ । पालिका चुनावमा हामीले जनताको सर्वाधिक लोकप्रिय मत प्राप्त गर्‍याैँ । यो हाम्रो दावी मात्रै होइन, निर्वाचन आयोगको बुलेटिनमा उल्लेख गरिएको कुरा हो । पालिका चुनावमा उम्मेदवारी दिने सन्दर्भमा व्यवस्थापकीय कमजोरी भएकाले हामीले सोचेजस्तो परिणाम ल्याउन नसकेको हो । अब हामी आउने चुनावमा समयमै उम्मेदवारी दिन्छौँ । जित्नेलाई उठाउँछौँ, टिक्नेलाई उठाउँछौँ ।’

वरिष्ठ उपाध्यक्ष पोखरेलले भदौको अन्तिमसम्ममा आफ्नो पार्टीले प्रतिनिधि सभा र प्रदेश सभा चुनावकाे उम्मेदवारसमेत तय गरिसक्ने बताउनुभयो । त्यसका लागि मापदण्ड तय गर्न स्थायी कमिटी, पोलिटब्युराे र केन्द्रीय कमिटीको बैठक भदौँ दोस्रो हप्ताका लागि तय गरिएको उहाँको भनाइ थियो ।

कार्यक्रममा बाेल्दै वरिष्ठ उपाध्यक्ष पोखरेलले सत्तारूढ गठबन्धनमा आबद्ध कुनै पनि दलसँग चुनावमा मोर्चाबन्दी हुने सम्भावना नरहेको पटक–पटक दोहोर्‍याउनुभयो ।

अन्तिम अपडेट: माघ ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

आउँदाे चुनावमा जित्ने र टिक्नेलाई उठाउँछाैँ, एमालेले बहुमत ल्याउँछ : पाेखरेल

फाइल तस्बिर

तपाईको प्रतिक्रिया