बदली रहेको पश्चिमी क्षेत्रको मौसममा आजदेखि सुधार आउने, तराईको हुस्सु र कुहिरो अझै केही दिन नहट्ने

माघ ११, २०८१ शुक्रबार ७:४६:३० | उज्यालो सहकर्मी

काठमाण्डौ – अस्ति बेलुकादेखि मौसम बदली रहेको देशको पश्चिमी क्षेत्रमा आजदेखि सुधार आउने भएको छ ।

कर्णाली र सुदूरपश्चिम प्रदेशमा लागेको बादल आजदेखि हट्दै जाने जल तथा मौसम पूर्वानुमान महाशाखाले जनाएको छ । तर आज दिउँसो कोशी, गण्डकी र कर्णाली प्रदेशका पहाडी केही क्षेत्रमा मौसम आंशिक बदली रहने अनुमान छ ।

महाशाखाका अनुसार देशका बाँकी भागमा मौसम मुख्यतया सफा नै छ । कर्णाली प्रदेशका उच्च पहाडी तथा हिमाली एक–दुई ठाउँमा हल्का हिमपातको सम्भावना छ । आज पनि काठमाण्डौ उपत्यका र तराई क्षेत्रमा हुस्सु र कुहिरो छ ।

तराईका धेरै ठाउँमा बाक्लो हुस्सु लागेको छ । तराईको हुस्सु र कुहिरो केही दिन नहट्ने महाशाखाका मौसमविद् प्रतिभा मानन्धरले बताउनुभयो । काठमाण्डौमा घाम लागेसँगै कुहिरो हट्नेछ ।

आज काठमाण्डौ उपत्यकाको अधिकतम र न्यूनतम तापक्रम हिजोको भन्दा केही घटेको छ । अधिकतम तापक्रम हिजो २३ देखि २५ डिग्री सेल्सियस रहेकामा आज २१ देखि २३ डिग्री सेल्सियस रहने अनुमान छ ।

यस्तै न्यूनतम तापक्रम हिजो ६ दशमलव २ डिग्री सेल्सियस मापन गरिएकोमा आज बिहान ६ दशमलव १ डिग्री सेल्सियस रहेको छ ।

अन्तिम अपडेट: माघ ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्