'अर्थर गन' ले ७ वटा सहरमा कन्सर्ट गर्ने

भदौ ३, २०७९ शुक्रबार १३:२०:५४ | उज्यालो सहकर्मी

काठमाण्डौ – अमेरिकी आइडल फाइनलिस्ट नेपाली मूलका गायक दिवेश पोखरेल अर्थात् अर्थर गनले नेपालको संस्कृति र प्रकृतिलाई विश्वमाझ चिनाउन आवश्यक रहेको बताएका छन् ।

बिहीवार बेलुकी काठमाण्डौमा आयोजित एक कार्यक्रममा दिवेशले यस्तो बताएका हुन् । नेपालमा हुन लागेको पहिलो साङ्गीतिक यात्राबारे जानकारी दिन काठमाण्डौम आयोजित पत्रकार सम्मेलनमा बोल्दै दिवेशले नेपालमा भएका आफ्ना समर्थकहरूका लागि साङ्गीतिक कार्यक्रम प्रस्तुत गर्न नेपाल आएको बताए ।

भोलि शनिवारदेखि हुने टुबोर्ग होमकमिङ अर्थर गन का लागि उनीसहितको टोली नेपाल आएको हो । नेपालको कला, संस्कृति र प्रकृतिको बारेमा जान्न र बुझ्न डकुमेन्ट्री बनाउने लक्ष्यसहित नेपाल आएको दिवशको भनाइ छ । एक महिनाको नेपाल बसाइमा नेपालको सांस्कृतिक, साङ्गीतिक, पर्यटन क्षेत्रको प्रवर्द्धनलाई जोड दिने उनले बताए । सङ्गीत विश्वव्यापी भाष भएकोले यसबाट नै नेपालको पर्यटन प्रवद्र्धन गर्न सकिने उनको भनाइ छ ।

गायक दिवेशले देशका प्रमुख सात सहरमा नौ वटा कन्सर्ट गर्नेछन् । उनले नेपाल संस्कृतिका साथै प्राकृतिक बनावटले पनि सुन्दर रहेको भन्दै आफूले तयार पार्ने साङ्गीतिक टुर डकुमेन्ट्रीले झनै नेपालको पर्यटन प्रवर्द्धन हुने विश्वास व्यक्त गरे ।

सन् २०२० को अमेरिकन आइडलमा भाग लिएसँगै एकाएक चर्चामा आएका गायक पोखरलले अमेरिका सङ्गीतको हिसाबले राम्रो ठाउँ भएको बताए । उनी अमेरिकन आडलमा तेस्रो स्थान बनाउन सफल भएका थिए ।

अन्तिम अपडेट: मंसिर २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्