प्रदेश सांसदमार्फत बजेट बाँड्ने काम राेक्न प्रदेश १ र गण्डकीलाई आयाेगकाे निर्देशन

भदौ ३, २०७९ शुक्रबार १८:४६:९ | उज्यालो सहकर्मी

काठमाण्डाै – निर्वाचन आयोगले प्रदेश १ र गण्डकी प्रदेश सरकारलाई निर्वाचन क्षेत्र पूर्वाधार विशेष कार्यक्रमअन्तर्गतका कार्यक्रम सञ्चालन नगर्न निर्देशन दिएको छ ।

आउँदाे मङ्सिर ४ गते चुनाव तोकिएको र प्रदेश सभाको कार्यकाल सकिन लागेका बेला प्रदेश सरकारले निर्वाचन क्षेत्र पूर्वाधार विशेष कार्यक्रममार्फत बजेट सांसदलाई योजना छनाेट गर्न लगाइएको र योजना बाँड्ने तयारी रहेको जानकारी प्राप्त भएकाले रोक्न निर्देशन दिएको आयोगले जनाएको छ । यो कार्यक्रमअन्तर्गतका योजनाहरू प्रदेश सभा सदस्यले छनाेट तथा कार्यान्वयनमा सहजीकरण गर्दै आएका छन् ।

चुनावको प्रक्रियाहरू सुरु भइसकेकाे अवस्थामा यस्ता वितरणमुखी कार्यक्रमले चुनावको स्वच्छतामा नै प्रश्न उठाउन सक्ने आयोगको भनाइ छ । आयोगले निर्वाचन क्षेत्र पूर्वाधार विशेष कार्यक्रम अघि नबढाउन निर्देशन दिनुका साथै पाँच बुँदै स्पष्टीकरणसमेत सोधेको छ ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्