अर्घाखाँचीमा रोपाइँ जात्रा मनाइयो

भदौ ३, २०७९ शुक्रबार २०:१४:११ | प्रेमनारायण आचार्य

अर्घाखाँची – अर्घाखाँचीको छत्रदेव गाउँपालिका वडा नम्वर ६ ठूलापोखरामा रोपाइँ जात्रा पर्व मनाइएको छ ।

भगवान् श्रीकृष्णको जन्म दिनको अवसरमा मनाइने रोपाइँ जात्रामा धान रोपे झैँ गरी नाच्ने, गाउने गरिन्छ । रोपाइँ जात्रा मनाउन खेतालाहरू जम्मा भएर बाजागाजाका साथ ज्युला असारे गीत गाउँदै र नाच्दै रमाइलो गरी मनाइने गरिन्छ ।

द्वापर युगमा भगवान् श्रीकृष्णको जन्म भएको खुसीयालीमा यो पर्व मनाउन थालिएको किंवदन्ती पाइने छत्रदेव ६ ठूलापोखरा चौवाको राधाकृष्ण मन्दिर व्यवस्थापन समितिका सचिव धनीश्वर पाण्डेले बताउनुभयो ।
अघिअघि भगवान् श्रीकृष्णको रथ, त्यसपछि सजावट गरेर सिँगारिएका राधाकृष्ण, शिव, गणेश, हनुमान बनाएर भजन कीर्तन गर्दै हिँड्ने चलन छ । जसको पछि–पछि पञ्चेबाजाको तालमा असारे वाली गीत गाउँदै रोपाइँ गरेको अभिनय गर्दै नाच्ने गरिन्छ ।

छत्रदेव गाउँपालिका ६ ठूलापोखराको चौवामा रहेको राधाकृष्ण मन्दिरबाट यो जात्रा निकालिएको हो । देशका अन्य जिल्लामा गाईजात्रा पर्वको भोलिपल्ट रोपाइँ जात्रा गरिए पनि अर्घाखाँचीमा कृष्ण जन्माष्टमीमा मनाइने गरिएको स्थानीय पण्डित नवीन पौडेलले बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्