प्रदेश ७ को राजधानी गोदावरी प्रस्ताव गरिएपछि धनगढी बन्द

असोज ११, २०७५ बिहीबार १२:३२:१९ | निर्मला खडायत

कैलाली – प्रदेश ७ को राजधानी कैलालीको गोदावरी प्रस्ताव गरिएको विरोधमा धनगढीबासीन्दाले विहीबार आमहडताल गरेका छन् । उनीहरुले धनगढीमा रहेको अस्थायी राजधानी कुनै पनि हालतमा अन्यन्त्र सार्न नमिल्ने बताएका छन् ।

वन माफिया र भूमाफियाको प्रभावमा परेर गरिएको सुझाव संकलन समितिको प्रस्ताव तत्काल फिर्ता लिन उनीहरुले दबाब दिइरहेका छन् । कुनै पनि पूर्वाधार नभएको गोदावरीमा स्थायी राजधानी राख्नुभन्दा हालकै अस्थायी राजधानी धनगढीलाई नै स्थायी राजधानी बनाउनुपर्ने धनगढीबासीन्दाको भनाइ छ ।

सरकारले धनगढीमा पूर्वाधार निर्माणमा करोडौं रकम खर्च गरेर अहिले अन्यन्त्र राजधानी सार्ने कुरा आफूहरुलाई मान्य नहुने स्थानीय रबि खड्का बताउनुहुन्छ । आन्दोलन समन्वय समितिका संयोजक हरी रेग्मीले जनतालाई झुक्याएर आफ्नो राजनैतिक स्वार्थपूर्ति गर्नका लागि षड्यन्त्र पूर्वक राजधानी सार्ने प्रस्ताव गरिएको बताउनुभयो ।

सामान्य ढंगबाट बारम्बार आवाज उठाउँदा समेत पूरा हुने सम्भावना नदेखिएकाले आम हडताल गर्नु परेको उहाको भनाई छ । शुक्रबार बिहान १० बजे प्रदेश सभा भवन घेराउ गर्ने कार्यक्रम राखिएको उहाँले बताउनुभयो । आफूहरुको मागको सुनुवाई नभए सम्म आन्दोलन साम्य नहुने उहाँले बताउनुभयो ।

आम हडतालले सर्वसाधारण मर्कामा परेका छन् । बजार, यातायात, उद्योग कलकारखाना, शिक्षण संस्था सबै ठप्प छन् । सरकारले कैलाली सदरमुकाम धनगढीलाई अस्थायी राजधानी तोकेको छ । प्रदेश सभाले प्रदेशको नाम र स्थायी राजधानीबारे सुझाव दिन समिति गठन गरेको थियो । समितिले प्रदेशको नाम सुदूरपश्चिम र स्थायी राजधानी गोदावरी नगरपालिका वडानम्बर ४ मा राख्न सुझाव दिएको छ ।

प्रदेशसभाले निर्णय लिनुभन्दा अघि धनगढीबासीन्दा आन्दोलनमा उत्रिएका छन् । उनीहरुले बुधबार प्रदेश सभा अगाडि टायर बालेर प्रदर्शनसमेत गरेका थिए ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निर्मला खडायत

खडायत कैलालीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्