गठबन्धनका नेताहरू सिट बाँडफाँटका लागि 'वान टु वान' वार्ता गर्न सहमत

भदौ ७, २०७९ मंगलबार १९:१८:२५ | उज्यालो सहकर्मी

काठमाण्डाै – सत्तारूढ गठबन्धनमा आबद्ध दलका नेताहरू प्रदेश सभा र प्रतिनिधि सभा चुनावकाे सिट बाँडफाँडका लागि 'वान टु वान' वार्ता गर्न सहमत भएका छन् ।

कार्यदल र शीर्ष नेताहरूबीच आज मङ्गलवार भएकाे छलफलमा पनि सहमति जुटाउन नसकेपछि नेताहरू वान टु वान वार्ता गरी सहमति जुटाउनतिर लाग्ने भएका हुन् । सहमतिको नजिक पुगिएको र त्यसलाई सहज ढङ्गले टुङ्गो लगाउन शीर्ष नेताहरूबीच वान टु वान वार्ता गर्ने सहमति पनि गरिएको सञ्चार तथा सूचना प्रविधिमन्त्री एवम् कांग्रेस नेता ज्ञानेन्द्रबहादुर कार्कीले जानकारी दिनुभयो । उहाँले भन्नुभयो, ‘हामी सहमतिको नजिक पुगेका छौँ । जतिसक्दो चाँडाे टुङ्गो लगाउनुपर्नेछ । निर्वाचनको कार्यतालिका नै सार्वजनिक भइसकेको छ । यसको सहज निकासका लागि वान टु वान कुरा पनि हुन्छ ।’

कार्यदलका संयोजक रहनुभएका कांग्रेस नेता कृष्णप्रसाद सिटौला भने अस्वस्थ हुनुभएका कारण बैठकमा उपस्थिति हुन सक्नुभएन । त्यसले पनि सहमति जुटाउने कामलाई प्रभावित पारेको मन्त्री कार्कीको भनाइ थियो ।

गठबन्धन दलहरूबीच २०७४ सालको प्रतिनिधि सभा र प्रदेश सभा चुनावका साथै २०७९ सालको पालिका चुनावकाे मत परिणामलाई आधार बनाएर सिट बाँडफाँड गरेर जाने विषयमा छलफल केन्द्रित रहेको नेताहरूले बताउँदै आएका छन् ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गठबन्धनका नेताहरू सिट बाँडफाँटका लागि 'वान टु वान' वार्ता गर्न सहमत

फाइल तस्बिर

तपाईको प्रतिक्रिया