प्रधानमन्त्री र शिक्षामन्त्रीलाई सांसदकाे प्रश्न : विश्वविद्यालय बन्द गराएर देशलाई कहाँ पुर्‍याउन खोजिएको हो ?

भदौ १७, २०७९ शुक्रबार १४:५६:२१ | उज्यालो सहकर्मी

काठमाण्डौ – नेकपा एमालेका सांसद पदम गिरीले प्रधानमन्त्री शेरबहादुर देउवा र शिक्षा, विज्ञान तथा प्रविधि मन्त्री देवेन्द्र पौडेल विश्वविद्यालयको समस्या समाधान गर्न नलागेका आरोप लगाउनुभएको छ ।

शुक्रवारको प्रतिनिधि सभा बैठकमा समय माग गरी बोल्दै सांसद गिरीले त्रिभुवन विश्वविद्यालय अझै पनि बन्द अवस्थामा रहेको बताउनुभयो । नेविसङ्घले उपकुलपतिको कार्यालयमा गएर तोडफोड गर्ने तथा त्रिवि कार्यकारी समिति बैठकको कागजात खोस्ने लगायतका कामहरू गरिरहेको भन्दै उहाँले दोषीमाथि मुद्दा दर्तासमेत हुन नसकेको गुनासो गर्नुभयो ।

उहाँले भन्नुभयो, ‘आज त्रिभुवन विश्वविद्यालयका पदाधिकारी असुरक्षित भएका छन् । फोन अफ गरेका छन् । घरमा सुत्न नसक्ने अवस्था भयो डरले । छिमेकीकोमा गएर सुत्नुपर्ने अवस्था आएको छ । यस्तो दुरावस्था विश्वविद्यालयभित्र छ । सभामुखले १३ गते सरकारको नाममा रुलिङ गर्दै तुरुन्त विश्वविद्यालय खोल्न आवश्यक व्यवस्था मिलाउनु भन्नुभयो । तर सरकारका प्रमुख प्रधानमन्त्री, त्रिभुवन विश्वविद्यालयका कुलपति शेरबहादुर देउवाज्यू, सहकुलपति शिक्षामन्त्रीज्यू विश्वविद्यालय खुलाउनतर्फ लाग्नुभएको छैन । विश्वविद्यालयका पदाधिकारी विश्वविद्यालय आउनसक्ने अवस्था छैन ।’

सांसद गिरीले प्रधानमन्त्री र शिक्षामन्त्रीलाई विश्वविद्यालय बन्द गराएर देशलाई कहाँ पुर्‍याउन खोजिएको हो भन्दै प्रश्नसमेत गर्नुभयो । उहाँले विश्वविद्यालयको समस्या समाधानका लागि सभामुखलाई पुनः रुलिङ गर्न अनुरोध पनि गर्नुभयो ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्