पूर्वी भू–भागमा चिहान र ‘यातना केन्द्र’ भेटिएकाे युक्रेनको दाबी

भदौ ३१, २०७९ शुक्रबार २०:३३:२२ | एजेन्सी

युक्रेनी अनुसन्धानकर्ताहरूले शुक्रवार पुनः कब्जामा लिएको इज्युम सहरबाहिरको सल्लाको जङ्गलमा पुगेर बलौटे माटोबाट सयौँ शवहरू निकाल्न सुरु गरेका छन् ।

एएफपीका संवाददाताका अनुसार कम्तीमा एउटा शव हातले बाँधिएको अवस्थामा गाडिएको भेटिएको छ ।

युक्रेनकाे राजधानी किएभका अधिकारीहरूले खार्किभ क्षेत्र रुसी आक्रमणकारीहरूबाट पुनः कब्जामा लिएपछि सामूहिक चिहानस्थलमा चार सय ५० चिहानहरू गणना गरिएको र १० कथित ‘यातना केन्द्रहरू’ फेला पारेको बताएका छन् ।

इज्युमबाहिरको जङ्गलमा चिहानको टुप्पोमा अस्थायी क्रस र नम्बरले चिनो लगाइएको एएफपीका सञ्चारकर्मीले बताए । चिहानमा लेखिएको थियो, ‘१७ युक्रेनी सेना गाडिएको इज्यूम चिहान ।’

किएभको सेनाले भर्खरैका दिनहरूमा पूर्वमा प्रति–आक्रमणमा धेरै क्षेत्रहरू बरामद गरेको छ र धेरै सहरहरूलाई रुसी सेनाबाट मुक्त गरेको छ ।

प्रहरी प्रमुख इगोर क्लाइमेन्कोले बालाकलिया सहर र खार्किभका अन्य स्थानमा यातना कक्ष फेला परेको बताएका छन् भने राष्ट्रपतिका सहयोगी माइखाइलो पोडोल्याकले इज्युम सामूहिक चिहानस्थलमा मात्रै कम्तीमा चार सय ५० शव रहेको बताउनुभएको छ ।

पोडोल्याकले भन्नुभयो, ‘कब्जा गरिएका क्षेत्रहरूमा महिनौँदेखि व्यापक आतङ्क, हिंसा, यातना र सामूहिक हत्याहरू भइरहेका भेटिएको छ ।’

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पूर्वी भू–भागमा चिहान र ‘यातना केन्द्र’ भेटिएकाे युक्रेनको दाबी

तस्बिर : एजेन्सी

तपाईको प्रतिक्रिया